Odil Ahmedov gol urgan bahsda "Guanjou Evergrand" mag'lub bo'ldi
/ Kiritdi: BestMaster O'qilgan: 993
Bugun "SHanxay SIPG" hamda "Guanjou Evergrand" klublari o'rtasida Xitoy Kubogi yarim finalining ilk uchrashuvi bo'lib o'tdi.
O'yinni asosiy tarkibda boshlagan O'zbekiston terma jamoasi sardori Odil Ahmedov uchrashuvda gol kiritishga muvaffaq bo'ldi. "CHongyaing Lifan"ga qarshi Xitoy chempionatining 22-tur bahsida o'z hisobiga gol yozdirgan hamyurtimiz bu safar ham murabbiy Andre Villash-Boashning joniga oro kirdi.
Avvaliga hisobni "Guanjou Evergrand" futbolchisi Liu Czyan ochdi. 20 daqiqada u boshi bilan darvozani aniq nishonga oldi.
Bahsning 55-daqiqasida Odil Ahmedov o'zi boshlagan hujumni o'zi yakunladi. O'yinni so'nggi daqiqalarida "SHanxay SIPG" o'yinchisi Xe Guan "Guanjou Evergrand" darvozasini nishonga olib, yarim finalning ilk uchrashuvida shanxayliklarga g'alaba keltirdi.
"SHanxay SIPG" - "Guanjou Evergrand" 2:1
Gollar: Odil Ahmedov 55, Xe Guan 90+1 - Liu Czyan 20.
Bosh sahifaga
305