Viktor Kumikov: "2:0 qaltis hisob deb bekorga aytishmagan"
/ Kiritdi: BestMaster O'qilgan: 811
"Olmaliq" - "So'g'diyona" uchrashuvi yakunlangach, mezbonlar ustozi Viktor Kumikov o'yin borasida o'z fikrlarini bayon etdi.
- 2:0 qaltis hisob deb bekorga aytishmagan. Birinchi taymda o'yinni o'z nazoratimizda ushlab turdik. Ikkita gol kiritdik. Yana gollar urishimiz mumkin edi. Ikkinchi taymda esa bo'sh o'yin namoyish etdik.
- Bugungi bahsda legionerlardan birgina Vladislav Kasminin asosiy tarkibda maydonga tushdi. Qolgan futbolchilarga nima bo'lgan?
- Musabekov betob, Yelich va Grigalashvili o'tgan turda "Bunyodkor"ga qarshi bo'sh o'yin namoyish etishdi. Mana bugun Yelich zaxiradan maydonga tushib yana yaxshi o'ynay olmadi. Legioner mahalliy futbolchilardan kuchliroq o'yin namoyish etishi kerak.
- "Olmaliq"ning navbatdagi uchrashuvi qoldirildi. Bu tanaffusda qanday rejalar bor?
- Dastlab besh kun tog'da yig'in o'tkazamiz. Keyin esa Toshkentda mashg'ulotlar davom ettiriladi.
Bosh sahifaga
123