Andijon - Surxon bahsini Ravshan Ermatov boshqaradi!
/ Kiritdi: BestMaster O'qilgan: 853
Xabaringiz bo'lsa kerak, 3 sentyabr kuni birinchi liga musobaqasining 23-tur uchrashuvlari bo'lib o'tadi.
Turning markaziy o'yini Andijon shahridagi Sog'lom avlod stadionida bo'lib o'tadi.
SHu kuni sevimli Andijon jamoamiz Termizning Surxon jamoasini qabul qiladi. Mazkur muhim o'yinni FIFA referisi Ravshan Ermatov boshqarib boradigan bo'ldi.
Unga qanotlarda doimiy yordamchilari bo'lmish - Abduhamidullo Rasulov bilan Jahongir Saidov assisentlik qiladi. Hakamlar nazoratchisi etib toshkentlik Marat Ismoilov tayinlandi. Yodingizda bo'lsa kerak, bu Ravshan Ermatovning joriy mavsumda birinchi ligadagi ikkinchi o'yini bo'ladi. Sababi Osiyoning besh karra "Eng yaxshi hakami" 3-turda "NBU-Osiyo" - "Zomin" (1:3) bahsini ham boshqargandi.
Malumot uchun, Andijon - Surxon uchrashuvi 3 sentyabr kuni soat 17:00 da boshlanadi. Barcha ishqibozlarni sevimli jamoamizni qo'llab-quvvatlash uchun Sog'lom avlod stadioniga chorlab qolamiz.
Andijon matbuot xizmati.
Bosh sahifaga
134