Ulug'bek Baqoev - avgust oyining eng yaxshi murabbiyi
/ Kiritdi: BestMaster O'qilgan: 804
Saytimiz o'z odatiga ko'ra oyning eng yaxshilarini aniqlashda davom etadi.
Avgust oyida oliy ligada bir qator murabbiylar o'zlarini ko'rsatishdi. "Bunyodkor" ustozi Mirjalol Qosimov, "Navbahor" bosh murabbiyi Ilhom Mo'minjonov va Aleksandr Xomyakov ("Mashal") lauraet bo'lishga loyiq bo'lishdi. Biroq biz yoz faslining eng so'nggi oyida eng yaxshi deb "Buxoro" bosh murabbiyi Ulug'bek Baqoevni tan oldik. Buxoroliklar o'tgan oyda oliy ligada 4ta o'yin o'tkazishdi. Jamoa hech bir uchrashuvda yutqazmadi. Dastlab "Olmaliq" bilan safarda 1:1 hisobida durang o'ynaldi. Keyingi turda "Nasaf" taslim qilindi (1:0). Toshkentda "Obod" mag'lub etildi (3:2) hamda "Qizilqum" bilan keskin qarama qarshilikda zafar quchildi - 1:0.
Ushbu ajoyib g'alabalardan so'ng "Buxoro" oliy liga jadvalida ikkinchi pog'onaga chiqib oldi.
Bosh sahifaga
269