O'quvchilar uchun yangi sahifa - "CHatBall"!
/ Kiritdi: BestMaster O'qilgan: 623
Biz imkon qadar yozilayotgan fikrlarni to'liq qamrab olishga harakat qilamiz. Asosli tanqid o'z guruhimizda tahlil qilinadi va saytimizda qo'llaniladi.
Asossiz tanqidga asab buzmaymiz, haqoratlarni o'chiramiz (imkon qadar, o'tib ketib qolishi ham mumkin), maqtovlarga uchmaymiz.
Lekin, ko'p gapiraverib charchadik, "hey bolakay, sen o'ylama bu erda onasidan so'kdim, otasidan so'kdim, meni hech kim topa olmaydi deb"! "CA" futbol ichidagi ommaviy saytga aylandi, "CA" eng ko'p fikr qoldiriladigan sayt, bu degani bir kun kelib qolmasin, nazoratga tushib gap so'zlarga javob berib qolmang degani. Bu birovni cho'chitish emas. Hech qachon o'ziga har tomonlama, yaniy huquqiy tomonidan ishongan bilimli kishi saytni bulg'amaydi, chunki uni oqibati nimaga olib kelishini biladi. Birovni onasidan so'kayotgan o'quvchi, avvalo o'sha onani o'rniga, o'z onasini qo'ysin. Sen so'kayotgan ona, allaqachon jannatiy bo'lgan bo'lsa, keyingi dardingni kimga aytishingni o'ylab ish qil o'quvchi! Bu aksar yoshlarga tegishli!
"Real" muxlislarini ko'ziga sayt "Barselona" bo'lib, "Barselona" ishqiboziga "Real" bo'lib ko'rinadi. Biz uchun fikr o'chirib, "blok" qilish muammo emas. Sizga bir savol, birovni dilini xira qilib, vijdoningiz qiynalmaydimi?
Tanbeh uchun uzr albatta. Yaxshi xabarimimz ham yo'q emas. Bugundan boshlab juda ko'pchilikning talab va istaklarini inobatga olgan holda "CHatBall" sahifasi ishga tushadi. Mazkur sahifa haftaning har kuni ochiladi va Siz o'sha erda kun mavzusini do'stona, teran fikrlar bilan talqin qilishingiz kerak bo'ladi. Kattalarga hurmat bajo keltirgan holda fikr yuriting, do'stlik rishtalari faqat o'sha saxifada emas, balki boshqa xabar va maqolalarda ham fikrlaringiz mavzuga doir bo'lsin.
Bugungi mavzuni soat 23:00da malum qilamiz!
Do'stlik uchun!
Nodirxo'ja Yuldashev.
Bosh sahifaga
230