O'zbekiston U-16 - Saudiya Arabistoni U-16 0:1. O'smirlarimiz Osiyo chempionatiga yo'llanma olisholmadi

2017-09-25 00:30:01 / Kiritdi: BestMaster O'qilgan: 1028

Saudiya Arabistonida o'tayotgan o'smirlar o'rtasida Osiyo chempionatiga saralash bahslarida guruhlarda so'nggi o'yinlar o'tkazildi.

O'zbekiston o'smirlar termasi bugun eng so'nggi uchrashuvni mezbon Saudiya Arabistoniga qarshi o'tkazdi. Saralash bahslarida birinchi o'rinni olgan jamoalar to'g'ridan to'g'ri yo'llanmaga ega bo'lishar, ikkinchi o'rinni qo'lga kiritgan eng yaxshi jamoalar ham qita chempionatiga borish huquqiga ega bo'lishardi.

Afsuski, o'smirlarimiz guruhning so'nggi, hal qiluvchi uchrashuvida mezbonlarga imkoniyatni boy berib qo'yishdi. Bahsda to'liq tashabbusga ega bo'lgan maydon egalari 80-daqiqaga kelib Hasan Al Alining golidan keyin hisobda ham ustunlikni aks ettirishdi.

Yakunda Iordaniya 10 ochko bilan guruhda 1-, Saudiya Arabiston 9 ochko bilan ikkinchi o'rinni band etishdi. O'smirlarimiz 7 ochko bilan uchinchi pog'onada qolib ketishdi.

Teglar: ozbekiston, u-16, saudiya, arabistoni, u-16, osmirlarimiz, osiyo, chempionatiga, yollanma, olisholmadi,
← Oldinga Orqaga →