Aleksandr Lobanov: "Faqat g'alaba uchun maydonga chiqqan edik"

"Faqat g'alaba uchun maydonga chiqqan edik. Bunday raqib bilan guruhda birinchi o'rin uchun kurashsang, asosiysi natija bo'lib qoladi va shu sababli durang qayd etishga ham haqqimiz yo'q edi. Hammasi yaxshi yakunlandi.

Stadionni to'ldirib, bor kuchi bilan bizni qo'llab-quvvatlagan muxlislarga alohida minnatdorchilik bildiraman, bunaqasi anchadan beri bo'lmagan edi. Asosiysi ular doimo terma jamoaga ishonishsa bas.

Yaman yana bir bora kuchli raqib ekanligini isbotladi. Ular bilan juda qiyin o'tkazdik, koreyaliklar ularni 1:0 hisobida yutdi. Yaman bilan o'yinga jiddiy tayyorlanamiz. Imkoniyatni qo'ldan chiqarish mumkin emas" - deydi Lobanov.