Pirlo Angliya chempionlari bilan ishlashi mumkin
/ Kiritdi: BestMaster O'qilgan: 754
38 yoshli italiyalik yarim himoyachi Andrea Pirlo kelajakda Antonio Konte boshchiligidagi "CHelsi" murabbiylar shtabiga kirishi mumkinligini aytdi.
Oldinroq, Pirlo "Nyu-York Siti" bilan shartnomasi yakunlanganidan so'ng futbolchilik faoliyatini to'xtatishini aytgan edi. Italiyalik va AQSH klubi o'rtasidagi bitim 2017 yilning dekabr oyida yakunlanadi.
"Kelajakda nima bo'lishini bilmayman. Dekabrda Italiyaga qaytaman. Konte yordamchisi vazifasiga to'xtaladigan bo'lsak, hozir bu haqda ko'p gapirishmoqda. Bu borada o'zimning g'oyalarim bor, ammo qaror qabul qilish uchun menga vaqt kerak" - deydi Pirlo.
"Milan" va "Yuventus" sobiq futbolchisi 2015 yilning yozida "Nyu-York Siti" futbolchisiga aylangan edi. Pirlo faoliyati davomida Italiya terma jamoasida 116ta uchrashuv o'tkazdi, 6 marta A Seriyada va 2 marta CHempionlar ligasida g'olib chiqdi.
Bosh sahifaga
291
11 Noyabr 2022, 11:20