Gilfi Sigurdsson: "Umid qilamanki Rossiyada ham muxlislarimizning ovozi eshitiladi"

Minglab islandiyaliklar o'z suyuklilarini o'ziga xos tarzda qo'llab-quvvatlab turishi bilan boshqalardan ajralib turishadi.

''Vikinglar hayqirig'i'' deya nom olgan bu hayqiriq mamlakat terma jamoasining Kosovo ustidan qozonilgan g'alabasidan so'ng, yanada balandroq tus oldi deyish mumkin. Sababi aynan shu bahsdan so'ng Islandlar o'z tarixlarida birinchi bor mundial yo'llanmasini qo'lga kiritdi. Aholisi bor-yo'g'i 335 ming bo'lgan bu mamalakat uchun shubhasiz bu katta voqea bo'ldi.

Islandiya termasining ushbu tarixiy natijaga ko'rsatishida bosh rollardan birini ''vikinglar'' etakchisi Gilfi Sigurdssoning xissasi nixoyatda katta bo'ldi. ''Everton'' yarim himoyachisi Islandiyaning so'nggi besh yillikdagi eng yahshi futbolchisi sanaladi. U Kosovoga qarshi tarixiy uchrashuvda gol urishdan tashqari, jamoadoshi tomon ajoyib golli to'p uzatma sohibiga aylandi.

''Bu juda ajoyib bo'ldi-deydi futbolchi muhbirlarga- uchrashuvdan avval men jamoamning mundialni qo'lga kiritishini orzu qilgan edim. Men termamga yordam berganim va gol urganim zo'r bo'ldi'', - deydi Gilfi.

Aytib o'tganimizdek, Islandiya o'z tarixida birinchi bora jahon chempionati yo'llanmasini qo'lga kiritdi ammo buni kutilmagan hol sifatida baholab bo'lmaydi. Ular JCH-2014 ga ham yo'l olishlari mumkin edi, lekin saralashning o'tish qismidagi omadsizlik ularni bu imkoniyatdan mahrum etgan edi. Franciyada o'tgan Evro-2016 bahslaridagi ishtirok esa barchani bu termaga nisbatan hurmat ila qarashga majbur etdi. Ushbu saralash bahsida Sigurdsson jamoadoshlari o'z guruhlarida Xorvatiya, Ukraina, Turkiya kabi termalarni ortda qoldirib, guruhda birinchi o'rinni egallashdi.

''O'ylaymanki, so'nggi to'rt-besh yil ichida biz juda jiddiy uchrashuvlarni o'tkazdik,- xotirlaydi futbolchi. - Avvaliga Braziliya mundiali yo'lidagi saralsh bahslari, keyin Evropa chempionatidagi ishtirokimiz va nihoyat JCH-2018 saralashidagi bahslar. O'ylaymanki, aynan shu saralashlardagi bahslar bizning tajriba to'plashimizga katta yordam berdi. Bundan besh-olti yillar avval biz muhlislar biz to'g'rimizda malumotga ega emas edi. Ammo endi barchasi o'zgardi va biz kuchli termaga aylana oldik''.

SHunday qilib, Xeymir Xadlgrimsson jamoasi I guruhuning g'olibiga aylandi. Mamlakat esa bu bayramni yarim tungacha nishonladi. Bu xursandchilik Sigurdsson uchun ikki barobar bo'ldi. Sababi to'rt yil avval ular aynan Xorvatiya termasiga qarshi hal qiluvchi uchrashuvda mag'lub bo'lishgan va Braziliyada bo'lib o'tgan JCH-2014 yo'llanmasidan mahrum bo'lgan edi.

''Ortga nazar tashlab bu mag'lubiyat biz uchun juda muhim bo'lganini bilish mumkin. Endi biz muhim uchrashuvlarda qanday harakat qilish kerakligini juda yaxshi bilamiz",- donolarcha gapiradi Sigurdsson. -  Biz ketma-ket ikkinchi bor yirik turnirda qatnashamiz. Bu mamalakatimiz uchun ulkan natija"

Evro-2016 da Islandiya termasi olqishlarga sazovor bo'lgan edi. Aynan shu musobaqada Islandlar bilishdiki, ular qitaning har qanday termasiga bosh og'riq bo'lishi mumkin. Eslatib o'tamiz, qita chempionatida ''vikinglar'' guruh bahslarida Avstriya, Vengriya va Portugaliya termalariga qarshi to'p surib, ushbu keyingi bosqichga yo'l olishgan edi. 1/8 finalda esa Islandiya kimsan Angliyani musobaqadan chiqarib yuborgan edi. Demak Sigurdsson kelajakka ishonch bilan qarashi mumkin.

''Ko'ramiz, bizga qaysi raqiblar tushar ekan, lekin har qanday vaziyatda ham bizda guruhdan chiqish uchun imkoniyat bo'ladi.  Bu musoba biz uchun ajoyib hissiyotlarni taqdim etishiga shubham yo'q. Ishonamanki, Islandiya aholisi bizdan faxrlanishadi. Biz musobaqa boshlanishi sabrsizlik bilan kutyapmiz. Umid qilamanki, ''vikinglar hayqirig'i'' Rossiyada ham eshitiladi'', - deb so'zini yakunlaydi Islandiya qahramoni.

Islandiya mamlakati haqida FIFA saytining videoroligi VIDEO

FIFA.COM saytidan Maqsud Yahyoev tarjima qildi