Yig'in doirasida O'zbekiston yoshlar termasi 23 va 25 oktyabr kunlari BAA U-19 termasiga qarshi ikkita o'rtoqlik o'yinida maydonga tushadi. Ertaga bo'lib o'tadigan o'yin “Bunyodkor” stadionida soat 16:00 da boshlanadi.
Mazkur uchrashuvni bevosita stadiondan tomosha qilishni istagan muxlislar chiptalarni “Bunyodkor” stadioni kassalaridan xarid qilishlari mumkin. CHiptalar narxi oddiy sektorlar uchun 10 000 so'm, CIP sektorlari uchun 25 000 so'm qilib belgilangan. OAV vakillari O'zPFL akkreditaciyasi bilan o'rtoqlik o'yiniga kiritiladi.
25 oktyabr kuni 16:00 da boshlanadigan bellashuvga muxlislar bepul kirishlari mumkin bo'ladi. Ushbu o'yinni stadiondan yoritmoqchi bo'lgan OAV vakillari xuddi dastlabki uchrashuv singari O'zPFL akkreditaciyasi bilan kirishadi.
Malumot uchun, shu yilning 30 oktyabr – 8 noyabr kunlari U-19 Osiyo chempionatiga saralash bosqichi o'yinlari o'tkaziladi. “B” guruhidan o'rin olgan O'zbekiston yoshlar terma jamoasi OCH yo'llanmasi uchun mezbon Tojikiston, SHri-Lanka, Bangladesh va Maldiv orollari bilan kuch sinashadi. BAA U-19 termasi esa “A” guruhidan joy olgan bo'lib, OCH chiptasi yo'lida mezbon Qirg'iziston, Bahrayn, Ummon va Nepalga qarshi bahs yuritadi.
Bosh sahifaga
287