Avval xabar berilganidek, O'zbekiston futbol federaciyasi prezidenti Umid Ahmadjonov shu yilning sentyabr oyida SHveycariyaning Cyurix shahrida FIFA prezidenti Janni Infantino bilan uchrashgandi.
Uchrashuv davomida O'zbekiston delegaciyasi futbol targ'ibotini kuchaytirish maqsadida FIFAdan dunyo futbolining yorqin afsonalari va buguni kun yulduzlarini O'zbekistondagi yosh futbolchilarga master-klass o'tab berishi uchun taklif qilishda FIFAning amaliy yordam berishini so'ragandi.
FIFA prezidenti Janni Infantino o'sha uchrashuv davomida O'zbekiston futbol federaciyasi tomonidan mamlakatda futbol rivojini yangi bosqichga olib chiqish borasida amalga oshirilayotgan ishlarni yuqori baholab, Jahon futboli yulduzlarini O'zbekistonga yuborishda amaliy yordam berishni vada qilgandi.
Puyolning mamlakatimizga tashrifi shaxsan FIFA prezidenti Janni Infantino tomonidan uyushtirilayotgan bo'lib, bu orqali FIFA prezidenti yurtimizda futbolni yanada rivojlantirish maqsadida federaciya tomonidan amalga oshirilayotgan katta hajmdagi chora-tadbirlarni qo'llab -quvvatlash va futbolning ommaviyligini oshirishga hissa qo'shishni maqsad qilgan.
Karles Puyol tashrifi davomida yurtimizdagi futbol akademiyalari va bolalar futbol maktablari bilan yaqindan tanishadi hamda u erda futbol sir-asrorlarini o'rganayotgan yosh futbolchilar uchun master-klasslar o'tkazib beradi.
SHuningdek, Jahon futboli afsonasi o'zbek futboli bilan yaqindan tanishish maqsadidaOliy liga 28-tur doirasida bo'lib o'tadigan “Paxtakor” va “Olmaliq” jamoalari o'rtasidagi o'yinni ham bevosita “Paxtakor” stadionidan turib tomosha qilib borishi rejalashtirilgan.
Karles Puyol kabi Jahon darajasidagi futbol yulduzlarining yurtimizga tashrifi O'zbekistonda futbolni ommaviylashtirish va targ'ib qilish, o'sib kelayotgan yosh avlod o'rtasida futbolga bo'lgan qiziqishni yanada oshishiga xizmat qilishi aniq.
Bosh sahifaga
300