"Paxtakor" markaziy stadionida o'tkazilgan mashg'ulotdan oldin yig'inga chaqirilgan Rustam Ashurmatovning fikrlari bilan qiziqdik.
"Raqib haqida hozircha etarli malumotlarimiz yo'q, murabbiylarimiz endi bizga ular haqidagi malumotlarni etkazishadi va shunga qarab tayyorlanamiz. Lekin, internet orqali ularning tarkibini ko'rib chiqdik. Ularda ham ko'plab taniqli o'yinchilari yo'q, BAA ham huddi biz kabi yangilangan tarkib bilan yig'in o'tkazmoqda.
Terma jamoada yangi tarkib yig'ilgani bilan futbolchilarning hammasi bir-biri bilan yaxshi tanish. Sababi, O'zbekiston chempionati va kubogida ko'p bor maydonda to'qnash kelganmiz. Bu yangi bosh murabbiy bilan birinchi o'yinimiz bo'ladi va bunda natija eng muhimi bo'lmasa kerak, muhimi o'yinni shakllantirish deb o'ylayman", - deb aytib o'tdi Ashurmatov.
Bosh sahifaga
227