SHunday talablardan biri sifatida har bir jamoa qoshida qizlar futbol jamoasining bo'lishi shartligi ko'rsatilgan. “Qo'qon-1912” futbol klubi ushbu talablarni bajarish borasida say-harakatlarni boshlab yuborgan.
“Qo'qon-1912” jamoasining kelgusi mavsumda mini futbol va qizlar futboli jamoalari bo'ladi. Kuni kecha Qo'qon Davlat Pedagogika institutining jismoniy tarbiya fakultetida taxsil olayogan qizlar bilan “Qo'qon-1912” jamoasi raxbariyati uchrashuv o'tkazdi. Bu uchrashuvdan ko'zda tutilgan maqsad, talaba qizlar orasida futbolga iqtidori bor qizlarni jamoa mashg'ulotlariga jalb qilish bo'ldi. Uchrashuvda “Qo'qon-1912” futbol klubi bosh direktori Baxtiyorjon Tolipov sportchi qizlarni jamoaning maqsad va vazifalari xamda qizlar jamoasiga yaratiladigan sharoitlar bilan tanishtirdi. O'z navbatida talabalar ham o'zlarini qiziqtirgan savollar bilan tadbirda faol ishtirok etishdi. Ko'plab futbolsevar qizlar o'zlarini jamoada sinab ko'rish istagini bildirdilar.
“Qo'qon-1912” ning kelgusi mavsumda mini-futbol va qizlardan iborat jamoalari bo'ladi.
“Qo'qon-1912”ning qizlar jamoasiga Mirsaid Mirolimov bosh murabbiy etib tayinlandi. Murabbiy bo'lib o'tadigan mashg'ulotlar davomida iqtidorli qizlarni jamoaga tanlab oladi. SHu bilan birgalikda jamoaga oliy liga jamoalarida to'p surgan iqtidorli futbolchi qizlar ham jalb qilinadi. Maqsad tajribali futbolchilar bilan birgalikda mahalliy yosh iqtidorlarni xam jamoaga jalb qilib borish.
SHuningdek Qo'qon pedagogika kollejidan ham bir nechta qizlar mashg'ulotlarga jalb qilingan. Mashg'ulotlar Qo'qon Davlat Pedagogika Institutiga qarashli maydonda bo'lib o'tadi.
“Qo'qon-1912” jamoasi futbolga iqtidori bor qizlarni jamoa ko'rigiga taklif qiladi. Kim mashg'ulotlarda o'zini sinab ko'rmoqchi bo'lsa , 21-noyabr kuni soat 14-00 da QDPIga qarashli stadionga taklif qilamiz. Batafsil malumot uchun telefon : +998 91 683 69 96.
Bosh sahifaga
150