O'sha yili “Torpedo” Moskva, “SHaxtyor” Doneck va “Zenit” Leningrad kabi klublarni ortda qoldirgan “Paxtakor” yuqori oltilikdan o'rin egallab, o'zining Sobiq Ittifoq chempionatlari tarixidagi eng yaxshi natijasini ko'rsatgandi. Ushbu natija oradan 20 yil o'tgach, 1982 yil yana takrorlangan.
55 yil avval “Paxtakor” mavsumdagi so'nggi o'yinini Toshkentda Doneckning “SHaxtyor” jamoasiga qarshi o'tkazgan. 35 ming ishqiboz stadionda kuzatgan uchrashuvda jamoamiz 2:1 hisobida zafar quchgan. Gollarni Muxin va Tazetdinov urgan.
Birodar Abduraimov o'sha mavsum 8 to'p kiritib, “Paxtakor” to'purariga aylangan. Gollardan birini Lev Yashin darvozasiga urgani etiborga molik.
1962 yilgi mavsumda ko'rsatilgan natija sababli “Paxtakor”ning 14 nafar futbolchisi “Sport ustasi” unvoni bilan taqdirlangan.
Jamoani o'shanda Aleksandr Andreevich Keller boshqargan. Biz ushbu tarixiy natijaga erishgan barchani tabriklab, hayotdan ko'z yumganlarni xotirlaymiz.
Yuriy Pshenichnikov, Sulaymon Demerji, Maqsud SHaripov, Oleg Motorin, Vitaliy Suyunov, Stanislav Semyonov, Yuriy Matveev, Vilgelm Qahhorov, Vladimir Tojirov, Idgay Tazetdinov, Valeriy Muxin, Hamid Rahmatullaev, Viktor Nersesov, Yuriy Fedosov, Yuriy Belyakov, Birodar Abduraimov, Gennadiy Krasnickiy, Igor Malinovskiy, Anatoliy Morozov, Viktor Orlov.
Klub rahbariyati 1962 yilgi tarkibda bo'lgan murabbiy va futbolchilarga, ularning yaqinlariga hurmatini izhor qiladi hamda ushbu yubiley bilan tabriklaydi. Sizlarni doim eslaymiz, yutuqlaringiz bilan faxrlanamiz!
Bosh sahifaga
318