Mana shu munosabat bilan bugun Bekobod shahridagi metallurglar madaniyat saroyida jamoa azolari, klub murabbiylari va rahbarlarini taqdirlash marosimi bo'lib o'tdi.
Marosimda O'zbekiston Futbol Federaciyasi prezidenti Umid Ahmadjonov ishtirok etdi.
Umid Ahmadjonov “Metallurg-W” jamoasini yuksak natija bilan qutlar ekan, jumladan, shunday dedi: “Bugungi kunda ayollar sportiga Jahon miqyosida juda katta etibor qaratilmoqda. Bu bejiz emas albatta. CHunki kelajak avlod salomatligi ayollarimizga bog'liqdir. O'zbekiston Futbol Federaciyasi oldida turgan asosiy vazifalardan biri mamlakatimizda ayollar futbolini rivojlantirish, ular o'rtasida futbolni yanada ommalashtirishdan iboratdir. Federaciya bu borada barcha zarur shart-sharoitlarni yaratib bermoqda.
Qo'lga kiritilgan yuksak natija bilan “Metallurg” ayollar jamoasini O'zbekiston futbol federaciyasi va o'z nomimdan tabriklayman. Jamoa azolariga, murabbiylariga, klub homiysi hisoblangan “O'zbekiston Metallurgiya Kombinati” Akcionerlik jamiyatiga alohida o'zimni tashakkurimni bildiraman. Ishonamanki, bu qizlarimiz kelajakda Olimpiya terma jamoasi tarkibida xalqaro musobaqalarda yurtimiz sharafini, uning obro'sini munosib himoya qiladilar”.
SHundan so'ng “Metallurg-W” jamoasi azolari, murabbiylar va klub rahbarlariga chempionatning oltin medallari va O'zbekiston Kubogi topshirildi. SHuningdek, O'zbekiston Futbol Federaciyasi va klub homiylari tomonidan qimmatbaho sovg'alar taqdim qilindi.
Bosh sahifaga
458