Bugun Qatar chempionatida Temurxo'ja Abduxoliqovning jamoasi o'ynaydi

2017-12-07 12:00:02 / Kiritdi: BestMaster O'qilgan: 765

Endilikda Qatar milliy chempionatini diqqat bilan kuzatishimizga to'g'ri keladi. CHunki kecha Osiyo chempionlar ligasiga qura tashlangach, "Paxtakor"ning pley-off uchrashuvida "Al Garafa", "Lokomotiv"ning esa "Al Duhayl" bilan o'ynashi malum bo'ldi.

"Paxtakor" bu jamoaga qarshi 30 yanvar kuni bahs olib boradi. Ertaga "Al Garafa" ichki chempionatda birinchi davraning so'nggi tur uchrashuvini o'tkazadi. "Al Garafa" safarda "Qatar SK" mehmoni bo'ladi va o'yin bizning vaqt bilan 20:10da boshlanadi.

Bugun esa Temurxo'ja Abduxoliqov to'p tepayotgan "Al Sayliya" o'z maydonida OCHLda "Lokomotiv" bilan bir guruhdan joy olgan "Al Duhayl"ni qabul qiladi. Mazkur bellashuv 18:00da boshlanadi.

QATAR YULDUZLAR LIGASI. MUSOBAQA JADVALI

Qatar chempionatida "Al Duhayl" 28 ochko to'plab birinchi o'rinda bormoqda. Abduxoliqovning "Al Sayliya" klubi 18 ochko bilan to'rtinchi o'rinni egallab turibdi, "Al Garafa" hisobida esa 10 ochko bor va bu jamoa 7-pog'onada kelmoqda. Ertaga Qatar Yulduzlar ligasining birinchi davrasi o'z yakuniga etadi.

Teglar: bugun, qatar, chempionatida, temurxoja, abduxoliqovning, jamoasi, oynaydi,
← Oldinga Orqaga →