“Sent Jeyms Park” stadionida kechgan bahsda garchi mezbonlar hisobni ochgan bo'lishlariga qaramay, yakunda uch ochko “Lester”ga nasib etdi. Uchrashuvning debyutidayoq Xoselu hisobni ochgan bo'lsa, 20-daqiqada Mahrez muvozanatni tikladi. Ikkinchi o'lim o'rtalarida Demaray Grey “tulkilar”ni hisobda oldinga olib chiqdi. 73-daqiqada Duayet Geyl muvozanatni tikladi. Ammo o'yin oxirida mezbonlar vakili Ayose Peresning avtogoli “Lester”ning safardan uch ochko bilan qaytishini taminladi.
APL, 16-tur.
Nyukasl – Lester 2:3 (1:1, 1:2)
Gollar: 1:0 – 4 Xoselu, 1:1 – 20 Mahrez, 1:2 – 60 Grey, 2:2 – 73 Geyl, 2:3 – 86, avtogol Peres.
Nyukasl – Darlou, Lejen, Klark, Mankilo, Yedlin, Xeyden, Ritchi (Atsu, 64), Merino, Merfi (Peres, 71), Xoselu (Mitrovich, 88), Geyl.
Lester –SHmeyxel, Morgan, CHiluell, Simpson, Maguayr, Iborra, Ndidi, Grey (Okadzaki, 73), Mahrez (Fuks, 89), Olbrayton, Vardi (Uloa, 90).
Ogohlantirish: Grey (12), Xeyden (75), Lejen (81).