“Temiryo'lchilar” jamoasi ortda qolgan mavsumda ham O'zbekiston chempionatida, ham mamlakat kubogida zafar quchib, “oltin dubl” qayd etishga muvaffaq bo'ldi.
Qayd etish joizki, mavsum-2017 davomida jamoa murabbiylar shtabi jami 24 nafar futbolchi xizmatidan foydalandi. Ularning barchasi ham jamoaning muvaffaqiyatlariga o'z munosib xissasini qo'sha olishdi.
“Lokomotiv” jamoasi ishqibozlari o'rtasida yil yakunlariga bag'ishlangan so'rovnoma o'tkazildi. Unda “temiryo'lchi” muxlislar “Yilning eng yaxshi futbolchisi” uchun ovoz berishdi. Bugun mazkur so'rovnoma yakunlandi. Unga ko'ra, Oliy Liga-2017 to'purari, O'zbekistonning 2017 yildagi “Eng yaxshi futbolchisi” – Marat Bikmaev “Lokomotiv” muxlislari tomonidan ham jamoaning “Yil o'yinchisi” deb topildi. Eng ko'p ovoz olganlar ichida ikkinchi pog'ona Ignatiy Nesterovga, 3-o'rin esa Jaloliddin Masharipovga nasib etdi.
Bosh sahifaga
261