Tadbirning birinchi qismida yoshlar ligasida 2-o'rinni egallagan yoshlar jamoasiga kumush medallar O'FF vice-prezidenti SHoakrom Isroilov va O'FF bosh kotibi Sardor Rahmatullaev tomonidan topshirildi.
Keyin esa asosiy jamoaga oliy ligada qo'lga kiritilgan 3-pog'ona uchun bronza medallarini O'FF Prezidenti Umid Ahmadjonov va PFL direktori Omon G'afurov futbolchilar, murabbiylar shtabi va xodimlarga taqdim etishdi. Eslatib o'tamiz, avvalroq bosh murabbiy SHota Arveladze O'FF tomonidan o'zbek futboliga eng ko'p hissa qo'shgan chet ellik mutaxassis sifatida etirof etilgandi.
So'ng birinchi ligada 3-o'ringa ega chiqqan "Paxtakor" ayollar jamoasiga bronza medallari klub sport direktori Jafar Irismetov va futbol faxriysi To'lagan Isoqov tomonidan topshirildi.
Marosimning ikkinchi qismida 2017 yil "Paxtakor" jamoalarida o'zini ko'rsatgan futbolchilarga faxriylar sovrinlarni taqdim etishdi. Unga ko'ra, quyidagi o'yinchilar eng yaxshi deb topilishdi:
Eng yaxshi darvozabon - Aleksandr Lobanov
Eng yaxshi himoyachi – Marko Simich
Eng yaxshi yarim himoyachi – Tiago Bezerra
Eng yaxshi hujumchi – Igor Sergeev
"Paxtakor"ning eng yaxshi futbolchisi sifatida rasmiy sayt o'quvchilari o'rtasida so'rovnomada jamoa sardori Kamoliddin Tojiev g'olib chiqdi. U 38,5 foiz ko'rsatkich bilan Marko Simichdan o'zib ketdi. Simich ovozlarning 34,1 foizini to'pladi. Uchinchi o'rinni Gidi Kanyuk 14,3 foiz bilan band etdi.
Eng chiroyli gol muallifi sifatida Azim Ahmedov etirof etildi. Uning "Neftchi" darvozasiga 12 avgust kuni Toshkentda o'tgan uchrashuvda urgan goli shunga loyiq ko'rildi.
Yilning eng yaxshi yosh futbolchisi deb Bobur Asqarov topilgan bo'lsa, eng yaxshi ayol futbolchi sifatida Madina Vohidovaga esdalik sovg'asi topshirildi.
"Paxtakor" futbol klubi rahbariyati jamoalarga kelasi mavsumda chiroyli g'alabalar va chempionlikni tilab qoladi!
Bosh sahifaga
302
24 Yanvar 2023, 20:59