"Paxtakor" klubi "Nasaf"ning o'ng qanot himoyachisi Akmal SHorahmedov hamda o'rta chiziq vakili Bahrom Abduraximovni o'z safiga qo'shib olmoqda.
Avvalroq "Paxtakor" bu ikkala futbolchiga qiziqayotgani haqida xabar qilgandik.
Oxirgi muzokaralardan so'ng tomonlar kelishuvga erishishgan.
Kecha o'zining taqdirlash marosimini o'tkazgan "Nasaf" jamoasini dastlab Farruh Sayfiev tark etgandi.
Bugun jamoa lageridan Bahrom Abduraximov ketgan.
Akmal SHorahmedov ham ayni paytda "ajdarlar" qarorgohini tark etgan.
"Paxtakor" bu futbolchilar bilan og'zaki kelishuvga erishgan.
Akmal SHorahmedov hamda Bahrom Abduraximov katta ehtimol bilan ertaga rasman "Paxtakor" futbolchisiga aylanishi kutilmoqda.
"Nasaf" etakchilarini olib qoladimi?
Bungacha "Paxtakor" "Nasaf"dan yozda Eldorbek Suyunov hamda SHerzod Azamovni transferini sotib olgandi.
Davralar oralig'ida "sherlar" SHorahmedov va Abduraximovni ham transferini harid qilishni istashgandi.
Ammo "Nasaf" o'shanda o'z etakchilaridan bu ikki futbolchini saqlab qolishni istagani bois ularni sotmagandi.
SHorahmedov va Abduraximovning dekabrda "Nasaf" bilan tuzgan shartnomasi tugadi va futbolchilar erkin agent sifatida "sherlar" safiga qo'shilishmoqda.
Oliy liga: Qishda amalga oshishi mumkin bo'lgan "qaynoq" transferlar o'ntaligi (TOP-10)
Bosh sahifaga
256