- Menga qarshi o'ynagan eng qiyin hujumchi? O'zingiz bilasiz bugungi kunda O'zbekistonda hujumchilar muammosi mavjud. Buni muxlislar, murabbiylar ham takidlashyapti. Men o'zim 21-22 yosh paytimda Anvar Soliev, Zafar Xolmurodovlarga qarshi o'ynadim. Hatto Rivaldoga qarshi o'ynadim. Fikrimcha men qarshilik qilgan eng qiyin hujumchilar bular Soliev va Xolmurodov. Har ikkalasi ham bosh bilan yaxshi o'ynashadi. Standart vaziyatlarda ularga ko'p qarshilik qilganman.
- Maydonda menga eng yaxshi sherik? Eldor Mamatkazin. U bilan birga “Dinamo”da o'ynaganmiz. SHuningdek Ilya Ilinni ham alohida takidlagan bo'lardim.
- Xotiramda qolgan eng esda qolarli o'yin. 2011 yilda Namanganda vodiy derbisida birinchi davraning eng so'ngi o'yini xotiramdan chiqmaydi. Vodiy derbisi qanday o'tishini ko'pchilik biladi. O'sha bahsda biz 2:0 hisobida zafar quchdik. Men o'sha o'yinda Oliy ligadagi ilk golimni urgan edim.
- Eng alamli uchrashuv. 2012 yili kubok doirasida “Lokomotiv” bilan kechgan o'yin eng alamlisi bo'lgan. O'shanda safarda 1:2 hisobida yutqazgandik. Uydagi bahsda 3:2 hisobida yutgan bo'lsak ham keyingi bosqichga chiqa olmay qolgan edik.
- Men bilan ishlashgan eng yaxshi murabbiy bu Yuriy Vazgenovich Sarkisyan.
- Mashg'ulotlari eng qiziqarli kechadigan murabbiy “Cementchi”dagi Abdumalik Hakimov. Uning mashg'ulotlari qiziqarli kechadi. U mashg'ulotlarda yigitlardan alo kayfiyatda yurishlarini ko'proq istaydi.
- Men bilan o'ynagan futbolchilar orasida Mansur Saidovning texnikasi zo'r edi.
- Men rad etgan eng yaxshi taklif? “Qizilqum” jamoasiga taklif etishgan. Biroq buni rad etganman. Bunday afsuslanmayman.
Furqat Yusupov suhbatlashdi
Bosh sahifaga
230