Ro'ziqul Berdiev: “To'pni nazorat qilganimiz evaziga g'alaba qozondik”

-  O'tgan turda o'z maydonimizda “Buxoro” qarshi o'yinda qimmatli ikki ochkoni boy bergandik, - deya so'z boshladi Ro'ziqul Sadullaevich. - Bugungi o'yinda faqat g'alaba ishtiyoqida maydonga tushdik. Uchrashuv davomida to'pni ko'proq nazorat qilishga harakat qildik va shuning evaziga muhim uch ochkoni qo'lga kiritdik, deb o'ylayman. “Qizilqum” jamoasi o'yini ham yomon taassurot qoldirmadi. Ulardagi shijoatga havasim keldi. Bir so'z bilan aytganda, Navoiydagi uchrashuvda tomoshabinlar ham hujumkor va keskin futbolga guvoh bo'ldilar.

-  Ilhom SHomurodov jarohati tufayli “Buxoro”ga qarshi o'yinni o'tkazib yuborgandi. Bugun uning maydonga qaytishi jamoamiz o'yinini kuchaytirganligi shubhasiz.

-  CHempionatda kutilmagan natijalarning qayd etilishi muxlislarimizga ham yoqyapti, deb o'ylayman. Keyingi paytda qayd etilayotgan natijalardan ko'rinib turibdiki, hali chempionat oxirlamasdan turib sovrinli o'rinlar uchun kurashayotgan jamoalar alohida ajralib qolishmoqda. Biz qolgan uchrashuvlarda ham faqat muxlislarni quvontirish va yuqori o'rinlar uchun kurashish maqsadida maydonga chiqishga intilamiz.