O'zPFL sayti Andrey Sergeevichning O'FF hamda O'zPFLda amalga oshirayotgan islohotlar haqida fikrlarini bilishga qiziqdi.
- Yangi mavsumda milliy chempionatimiz yangicha formatda o'tishi haqidagi qarorni barcha mutaxassislar singari men ham ijobiy qabul qildim. Jamoalar sonining qisqarganligi, tizimga bir qator o'zgarishlar kiritilgani o'tkinchi uchrashuvlarga barham beradi. Har bitta o'yin finalga teng bo'ladi, deb o'ylayman. Endi ochkolarni kuzda emas, har bitta turdan keyin sanashga to'g'ri keladi. SHu manoda bundan futbol muxlislari yutadi, deb o'ylayman.
- O'zbekiston futbol federaciyasi tomonidan tasdiqlangan test-sinovlari o'yinchilarimiz uchun foydadan xoli bo'lmaydi, bu aniq. Test sinovlari murabbiylarning qo'l ostida shug'ullanayotgan o'yinchilari haqida, ularning jismoniy holati, tayyorgarligi haqida yanada kengroq malumotlarga ega bo'lib turishlariga yordam beradi. O'z navbatida test-sinovlari futbolchilarning ham vazifalariga sidqidildan, yanada jiddiyroq yondoshishlariga undaydi. Ularda boshlang'ich tezlik o'sadi, chidamkorlik oshadi, optimal sport formalarini meyorida ushlab turishadi.
Bosh sahifaga
242