Uchrashuv taqdirini hal etgan yagona gol o'yinning 27-daqiqasida “Metallurg” sardori Zohid Abdullaev tomonidan kiritildi.
Bevosita uchrashuv tafsilotlariga to'xtaladigan bo'lsak, o'yin bekobodliklarning to'liq ustunligi ostida o'tdi. Agar poytaxt viloyati vakillari yaratilgan barcha vaziyatlardan unumli foydalanishganida hisob yirik ko'rinish olgan bo'lardi. Birgina Zohid Abdullaevning o'zi raqiblar darvozasini kamida to'rt-besh marta ishg'ol etishi mumkin edi. SHuningdek, qulay vaziyatlar Doniyor Ismoilov, Muhammadjon Sultonov, Alisher Ziyovuddinov, Ixtiyor Toshpo'latovlarda ham bo'ldi. Bir so'z bilan aytganda bekobodliklarning tajriba borasida bir bosh ustunligi sezilib turdi. O'z navbatida yosh paxtakorchilardagi g'ayrat-shijoat, so'nggi soniyalargacha kurashga chanqoqlik kabi xislatlarni ham takidlab o'tgan bo'lardik.
“Metallurg” navbatga ko'rik uchrashuvini kelgusi shanba kuni “Oqtepa” jamoasiga qarshi o'tkazadi.
“Metallurg” – “Paxtakor” (yoshlar) – 1:0. Qibray. 6 yanvar 2018 yil. Nazorat uchrashuvi.
Hakamlar: SHerzod Qosimov, Alisher Usmonov, Sanjar SHoyusupov.
Nazoratchi: Rahmatillo Qoratoev.
“Metallurg”: Nikita Ribkin, Mirg'iyos Sulaymonov, Abror Xusinov, Sirojiddin Allaev, Abror Toshqo'ziev, Jahongir Abdumo'minov, Ayubxon No'monov, Islom Isoqjonov, Alisher Ziyovuddinov, Ixtiyor Toshpo'latov, Zohid Abdullaev.
Zaxiradan maydonga tushganlar: Zafar Safaev, Doniyor Ismoilov, Dilmurod Karimov, Muhammadjon Sultonov, Muhammadodil Qahramonov, Alisher Mirzaev, SHaxzod SHaymanov, Xudoyshukur Sattorov, Doniyor Hoshimov.
Bosh sahifaga
235