1994 yilning 1 martida tug'ilgan Yanis Moskvaning “Lokomotiv” klubi tarbiyalanuvchisi hisoblanadi. Linda maydonda qanot himoyachisi sifatida to'p suradi. Ilhom Mo'minjonov klub matbuot xizmatiga futbolchini himoyaning har ikki qanotida ham harakat qila olishini bildirdi. SHuningdek, Mo'minjonov rossiyalik legioner ko'rikdan muvaffaqiyatli o'ta olsa “Navbahor” azosiga aylanishini malum qildi. SHu o'rinda himoyachining bo'yi 187 sm. ekanligini qo'shimcha qilish joiz.
Futbolchi 2017/2018 yilgi mavsum birinchi yarmini Novomoskovskning “Ximik” jamoasi safida o'tkazgan. Ushbu klub Rossiya ikkinchi divizionining “Markaziy” mintaqasida ishtirok etmoqda. Moskvaning “Lokomotiv” klubi futbol maktabi tarbiyalanuvchisi bo'lmish Linda futbolchilik faoliyatini 2011 yili Naberejnie CHelni shahrining “Kamaz” klubida boshlagan. 2012/13 yilgi mavsumni esa “temiryo'lchilar” tarkibida o'tkazgan himoyachi 2013 yildan 2016 yilgacha Liskining “Lokomotiv” jamoasi sharafini himoya qilgan. 2016/17 yilgi mavsumni Tulaning “Arsenal” klubida o'tkazgan.
Bosh sahifaga
248