Futbolchilarimizning chiroyli g'alabasidan so'ng mamlakatimizning muhtaram prezidenti SHavkat Mirziyoev O'zbekiston olimpiya terma jamoasi azolarini g'oliblik bilan qutladi.
Xitoy Xalq Respublikasida bo'lib o'tgan futbol bo'yicha 23 yoshgacha bo'lgan yoshlar o'rtasida Osiyo chempionati g'oliblari – O'zbekiston yoshlar terma jamoasi azolariga
Aziz farzandlarim!
Qadrli ustoz va murabbiylar!
Barchangizni futbol bo'yicha Yoshlar o'rtasida bo'lib o'tgan Osiyo chempionatining final bosqichida g'oyat og'ir va noqulay ob-havo sharoitida tom manoda matonat va jasorat namunasini namoyon etib, g'oliblikni qo'lga kiritganingiz bilan o'z nomimdan, ko'pmillatli xalqimiz nomidan samimiy muborakbod etaman.
Sizlar qo'lga kiritgan mislsiz bu g'alaba butun xalqimizga cheksiz quvonch bag'ishlab, O'zbekiston yoshlarining qanday buyuk ishlarga qodir ekanini yana bir bor ko'rsatdi. Bu ulkan zafar, hech shubhasiz, mamlakatimizdagi millionlab yoshlarni mardlik va matonat, Vatanga muhabbat va sadoqat ruhida tarbiyalashga ulkan hissa qo'shadi.
El-yurtimiz sizlar kabi mard va jasur, fidoyi o'g'lonlari bilan, yurtimizning haqiqiy qahramonlari bilan faxrlanadi.
Barchangizni bag'rimga bosib, sizlarga sihat-salomatlik,
kuch-g'ayrat, jonajon O'zbekistonimizning shon-shuhratini dunyoga tarannum etishda doimo yutuq va zafarlar yor bo'lishini tilayman.
O'zbekiston Respublikasi Prezidenti
SHavkat Mirziyoev
Odiljon Hamrobekov - U-23 Osiyo chempionatining eng yaxshi futbolchisi!
O'zbekiston U-23 Osiyoni zabt etdi!
Bosh sahifaga
218