Musobaqalarga birinchilardan bo'lib Namangan shahrida start berilganligi va qayd etilgan natijalar haqida malumot berganmiz. Musobaqa 27-28 yanvar kunlari Qoraqalpog'iston Respublikasida ham davom etdi.
Maxsus futbol maktab-internetlari, Olimpiya zaxiralari kolleji, Bolalar va o'smirlar futbol maktablari, Ixtisoslashgan bolalar va o'smirlar sport maktablari hamda Bolalar va o'smirlar sport maktablarining futbol tarbiyalanuvchilari o'rtasida tashkil etilayotgan musobaqa Qoraqalpog'iston Respublikasining To'rtko'l (7ta jamoa), Beruniy (7ta jamoa) hamda Amudaryo (3ta jamoa) tumanlarida tashkillashtirildi.
Qiziqarli kechgan bahslarda yosh toifalari bo'yicha g'olib va sovrindorlar aniqlandi:
11, 12, 13, 14, 15 va 17 yoshlilar o'rtasidagi musobaqalarda To'rtko'l tumani BO'SMi, 16 yoshlilar o'rtasidagi bahslarda esa Beruniy tumani BO'SMi tarbiyalanuvchilari birinchi o'rinni egallashdi. Amudaryo tumanining BO'SM jamoasi faqatgina 17 yoshlilar o'rtasidagi o'yinlarda faxrli ikkinchi pog'onadan joy oldi, boshqa guruhlardagi ikkinchi o'rinlar ham aynan Beruniy va To'rtko'l tumani vakillariga nasib etdi.
Avval qayd etganimizdek, musobaqani tashkil etishdan ko'zlangan maqsad mamlakatning barcha hududlarida bolalar va o'smirlar o'rtasida mini-futbolni yanada rivojlantirish va ommalashtirish, yosh futbolchilarning mahoratini oshirish, O'zbekiston o'smirlar terma jamoasiga iqtidorli yoshlarni jalb qilishdan iborat.
Bosh sahifaga
333
2 Mart 2023, 09:11