O'zbekiston terma jamoasi guruh bosqichida 2ta uchrashuvda g'alaba qozondi. Vakillarimiz ertaga guruhning 3-turidan o'rin olgan Yaponiya terma jamoasiga qarshi bahs olib boradi. Ushbu uchrashuvdan oldin terma jamoamiz vakili Mashrab Odilov o'z fikrlarini bildirib o'tdi.
"Biz ushbu musobaqaga alo darajada tayyorgarlik ko'rganmiz. Har bir o'yin biz uchun qiyin bo'lishini yaxshi bilamiz. SHunga yarasha tayyorgarlik ko'rdik. Janubiy Koreya terma jamoasiga qarshi qiyin bahs bo'lishini tahmin qilgandik. Lekin uchrashuv biz kutgandek bo'ldi va o'zimizga bo'lgan ishonch oshdi. Janubiy Koreya terma jamoasi haqida hech qanday malumotga ega emas edik. Murabbiyimiz "osiyo yo'lbarslari"ni zaif tomonlarini ko'rsatib berdi. Barcha ko'rsatmalarni to'g'ri bajardik va Janubiy Koreya terma jamoasini o'ta yirik hisobda mag'lubiyatga uchratdik.
Ertaga Yaponiyaga qarshi bahs olib boramiz. Ushbu o'yin biz uchun qiyin bo'lishini yaxshi bilamiz. "Samuraylar" ushbu chempionatga juda ham kuchli tarkibi bilan kelgan. Ushbu uchrashuvda g'alaba qozonishimiz shart. SHunga yarasha maydonda bor kuchimiz bilan harakat qilamiz. Terma jamoadan Xose Mariya Mendez ketganidan so'ng, o'yin uslubi deyarli o'zgarmadi. Biz Mendezni tizimini saqlab qolganmiz va shu tizim bilan harakatlanishda davom etamiz", - deydi Mashrab Odilov.
Jahongir Sotvoldiev yozib oldi
Bosh sahifaga
252