- Erkaklar va ayollar futzal jamoalarida tayyorgarlik qanday o'tmoqda?
- Hozir yangi mavsumga hozirlik jarayoni bormoqda. Superliga qachon boshlanishi malum qilinmadi, mart oyi boshida bahslar start olsa kerak. "Yoshlik" sport zalida mashg'ulot o'tkazyapmiz. Mashg'ulotlar haftasiga olti kun olib borilmoqda. Erkaklar futzal jamoasi safiga olti nafar yangi o'yinchilarni jalb etdik. Yaqin kunlarda rahbariyat oldimizga yangi mavsum uchun vazifani qo'yadi.
Ayollar jamoasida hozircha yangi o'yinchilar yo'q. O'tgan yili birinchi ligada to'qqiz uchrashuvda zafar quchib, uchinchi pog'onani egalladik. Bu yil ayollar chempionatida yuqori ligada ishtirok etamiz. Ayni paytda yangi futbolchilar qidirish pallasidamiz. Tarkibda yosh futbolchilar etarli, biroq tajribali o'yinchilar ko'magiga muhtojmiz. Ayollar jamoasi har kuni O'FA maydoni va "Yoshlik" zalida shug'ullanmoqda.
- Futzal jamoasiga yangi o'yinchilar moslashib ketishdimi?
- Yangilar jamoaga yaxshi kirishib ketishdi. Terma jamoaga nomzod uch futzalchi kamroq shug'ullandi. Hazratqulov terma jamoa safida Osiyo chempionatida qatnashyapti. Balki, yana bir necha o'yinchilarni taklif etishimiz mumkin.
- Tayyorgarlik jarayonidan ko'nglingiz to'ldimi?
- 8 yanvarda tayyorgarlik ko'rishni boshlaganmiz. Barchasi yaxshi ketmoqda. Tarkibni yanada kuchaytirsak, chempionlik uchun kurash olib borishimiz mumkin. Ro'yxatimizda bir necha futzalchilar bor.
- Yangi mavsum oldidan nima kutyapsiz?
- Aniq maqsad hozircha yo'q, ammo uchlikka kirishni rejalashtiryapmiz. Oldimizga vazifa qo'yilgandan keyin ko'p narsa oydinlashadi. Ehtimol, chempionlik maqsadi qo'yilar. Barcha yuqori o'rinda bo'lishni xohlaydi.
Bosh sahifaga
149