SHu kuni “Neftchi” ko'rigida bo'lib turgan ikki legioner futbolchi maydonga tushdi. Ular ukrainalik Sergey SHevchuk hamda yaponiyalik YU Kuboki ilk marta “Neftchi” safida harakatlanishdi.
O'yin garchi o'rtoqlik maqomiga ega bo'lsada qizg'in kurash va hujumlarga boy o'tdi. Biroq birinchi bo'limda xar ikkala jamoa futbolchilari ham vaziyatlardan foydalana olishmadi.
“Neftchi” murabbiylari ikkinchi bo'limda bir qator o'zgarishlarga qo'l urishdi. O'zgarishlar esa o'z so'zini aytdi. Zahiradan maydonga tushgan futbolchilar “Neftchi” hujumlarini yanada faollashtirdi. Ikkinchi bo'limda o'yinga qo'shilgan yaponiyalik legioner YU Kuboki boshlab bergan hujumni Abdul Aziz Yusupov gol bilan yakunladi. Ushbu vaziyatda Yusupov bir necha himoyachilarni mohirlik bilan aldab Namangan jamoa darvozasini aniq nishonga oldi.
Biroz o'tib Avazbek O'lmasaliev jarima maydonchasi ichida namanganlik futbolchiga nisbatan qoida buzdi. Hakam “Neftchi” darvozasiga penalti belgiladi. Ushbu vaziyatda “Neftchi” posboni Vitaliy Mirnyy penalti yo'nalishini aniq topdi va to'pni qaytardi.
Majburiy o'zgarish sodir bo'ldi. Biroz avvalgi vaziyatda raqib bilan to'qnashib ketgan Avazbek O'lmasaliev o'z o'rnini Jamshid Qobilovga bo'shatib berdi. Aynan Qobilov jarima maydonchasi yaqinida raqib futbolchisiga nisbatan qoida buzdi va yana penalti. Bu safar “Navbahor” imkoniyatni ko'kka sovurmadi. 1:1
Hisob durang ko'rinishiga kelganidan so'ng o'yin yanada qizg'in tus oldi. Ayniqsa YU Kuboki bir necha marta darvozabon bilan birga-bir vaziyatga chiqib ketdi. Bazi vaziyatlarda yaponiyalik legionerning zarbalariga aniqlik etishmagan bo'lsa boshqa hollarda raqib darvozaboni mahorat ko'rsatdi. SHunday qilib, “Neftchi” – “Navbahor” bahsida kuchlar teng keldi.
“Neftchi” murabbiylari bahsda quyidagi tarkibdan foydalanishdi.
Asosiy tarkib: Vitaliy Mirnyy, Jalil Kimsanov, Husniddin G'ofurov, SHukur Po'latov, Avazbek O'lmasaliev, Jasur Azimov, Abdujamol Isroilov, Abdurahmon Abdulhaqov, Sergey SHevchuk, Anvar Berdiev, Amirjon Safarov
Zahira: Farrux Turdaliev, Davron Mamatov, Jamshid Qobilov, Abror Ismoilov, Sunatillo Ermatov, Elyor Mamasoliev, Abdulaziz Yusupov, Davron Isaqov, YU Kuboki
Eslatib o'tamiz, “Neftchi” 14 fevral kuni “Metallurg”ga qarshi navbatdagi o'rtoqlik bahsida maydonga tushadi.
Bosh sahifaga
298