Biz Abduholiqov bilan bog'lanib undan o'zimizni qiziqtirgan savollarga javob oldik.
- "Al Sayliya" jamoasida qanday yangiliklar bor. Umuman ichki chempionat qay darajada ketmoqda?
- "Al Sayliya" jamoasi musobaqa jadvalida to'rtinchi pog'onada bormoqda. Ikkinchi davrani juda ham yomon o'tkazyapmiz. SHuning uchun ham bizdan oldingi jamoalar ancha ilgarilab ketishgan. Bizdan keyingi jamoalar esa deyarli bizga etib olishdi. Endi qolgan 5ta turdagi har bir o'yinlar finalga teng bo'ladi. Agarda barchasida g'alaba qozonsak, OCHL "plef-off" yo'llanmasini qo'lga kiritamiz.
- Jamoaning salbiy natijalar qayd etishiga sabab nima?
- Jamoaning birinchi davrada ko'rsatgan o'yini ikkinchi davrada umuman chiqmay qoldi. Lekin hozir ham to'rtinchi o'rinni egallashimiz uchun imkoniyatimiz bor.
- MTJdagi o'zgarishlar haqida qanday fikrdasiz?
- Faqat ijobiy fikr bildirib omad tilab qolaman. Temur akan uchun O'FA tomonidan uzoq kelajakni ko'zlab qilingan reja, deb o'ylayman. Temur Kapadzening ishlariga omad va muvaffaqiyat tilab qolaman.
- Sizga boshqa jamoalardan takliflar yoki qiziqishlar bo'ldimi?
- Albatta, takliflar ham qiziqishlar ham bo'ldi. Lekin "Al Sayliya" jamoasi bilan shartnomam borligi sababli hech qanday transfer o'xshamas edi. Yozda ko'ramiz.
- O'zbekistondan taklif bo'ldimi?
- Albatta, lekin bu sir bo'la qolsin.
Jahongir Sotvoldiev suhbatlashdi
Bosh sahifaga
269