"Biz ancha qiyin bo'lgan mavsumni o'tkazdik va yakunda 7-o'rinda qoldik Yangi mavsumga juda yuqori saviyada tayyorgarlik ko'rayotgandik jamoa bilan juda ahil va jipslashib qoldik Superligada qiziqarli bahslarni o'tkazamiz deya ko'p rejalarimiz bor edi.
Ammo "Mashal" jamoasiga nisbatan chiqarilgan qarordan biz boshimizdan zarb eganday bo'lib qoldik. Barchada bir savol bor edi. Nega? Qarorga hurmat saqlagan holda o'z ishimizga kirishdik. Futbol saytlari "Mashal" haqida yozishyapti, shuni aytish kerakki klubda hammasi o'z o'rnida bunchalik shov-shuvga hojat yo'q. Biz "Mashal" uchun hamma narsaga tayyormiz, professionalmiz barchasiga chidaymiz va harakatdan to'xtamay ishlashda davom etamiz. Klubni bunday vaqtda tashlab qochsak insofsizlik bo'lar. Bizni har xil gaplar bilan sindirish mushkul ish. Hali bizni maqtab eslashadi. Vaqti soati kelib yana o'z o'rnimizga qaytamiz nasib qilsa unga qadar muxlislarimizga kuch quvvat hamda sabr toqat tilaymiz", - deydi Sardor Abduraimov.
Bosh sahifaga
241