Seshanba kuni "Al-Hamriya"ga qarshi nazorat uchrashuvi o'tkazilishi sababli SHota Arveladze mashg'ulotni tush paytiga qadar o'tkazishga qaror qildi. Mahalliy vaqt bilan 11:15da start olgan mashg'ulot bir soatga yaqinroq davom etdi. Barcha futbolchilar umumiy guruhda birgalikda shug'ullanishdi. Qisqa qizishib olish, belgilangan hududda tezkor to'p oshirishlardan keyin juft-juft bo'lgan holda futbol o'ynaldi. Mashg'ulot oxirida bosh murabbiy o'yinchilar uchun maxsus musobaqa tashkil etdi. Unda jarima maydoni tashqarisidan darvoza to'sinini nishonga olish ustida bellashishdi. SHu tariqa bugungi mashg'ulot quvnoq ruhda yakunlandi.
Ikkinchi nazorat uchrashuvi 20 fevral, seshanba kuni Toshkent vaqti bilan 18:00da BAA birinchi ligasi ishtirokchisi "Al-Hamriya"ga qarshi "Al-Hamriya" stadionida boshlanadi.
Bosh sahifaga
158