2018 yilgi mamlakat chempionatida bekobodliklar safini jami 43 nafar futbolchi himoya etishi rasmiylashdi.
Albatta, “zayavka”dan o'tgan futbolchilarning barchasi hali uzil-kesil chempionatda qatnashishga tayyor degani emas. Hujjatlarni rasmiylashtirishda bazi juziy kamchiliklar mavjud. Jumladan, ayrim futbolchilarga sobiq jamoalaridan “otkrepleniya” kerak, yani bu futbolchining “Metallurg”da to'p surishiga qarshiligimiz yo'q degan, qaysidir futbolchining tibbiy ko'riknomasida etishmovchiliklari bor. yana kimlardir o'tgan mavsumdagi jarohati bois yangi mavsumga to'liq tayyor emas. Qolaversa, O'FA test natijalari bo'yicha xulosalarini ham hali taqdim etmadi. SHu manoda mavsumga jamoa yuz foiz tayyor deyish fikridan yiroqmiz.
Biroq, hozirdan shu narsani muxlislarimizga aniq etkazmoqchimizki, jamoa tarkibi sakson-sakson besh foizga yangilandi. Taniqli futbolchilardan Javohir Sohibov, Zabixillo O'rinboev, SHerzod Fayziev, Abbos Otaxonov, Saidjamol Davlatjonov, SHahzod SHaymanov, Pavel Smolyachenko singari o'nlab yangi nomlarni “Metallurg” safida ko'rasiz. Tez orada O'FF texnik boshqarmasi xulosalaridan so'ng biz yakuniy tarkibni etiboringizga havola etamiz.
Mavsum tadorigi esa Qibray o'quv-mashg'ulot maskanida davom etmoqda. Mashg'ulotlar bilan bir qatorda o'rtoqlik o'yinlariga ham katta etibor qaratilyapti. Jamoamiz oxirgi nazorat uchrashuvlarini “Qizilqum” (2:2), “Neftchi” (0:1) va “So'g'diyona” (1:1) klublari bilan o'tkazishdi. Bu haftada esa “Lokomotiv” BFK, “Mashal” jamoalari bilan ko'rik o'yinlari turibdi.
CHempionatni esa “Metallurg” 2 mart sanasida o'z maydonida “Navbahor” jamoasiga qarshi uchrashuv bilan boshlaydi.
"Metallurg" matbuot-xizmati
Bosh sahifaga
177