Ali Karimi hozirda "Sepidrud" klubini boshqarmoqda, Ali Dayi esa "Saypa" bosh murabbiyi hisoblanadi. Ushbu jamoalarning o'yinidan oldin ikkala yuulduz bir-biri bilan issiq ko'rishib yarashib olishdi. Malumki, ikkala sobiq futbolchi o'rtasidagi so'z jangi 2006 yilgi jahon chempionatidan so'ng boshlangandi.
O'shanda Eron guruh bosqichidan chiqa olmagani bois Ali Karimi matbuotga intervyu berib, Ali Dayi faqat o'zi uchun o'ynashini, jamoa uchun hech narsa qilmaganini aytgandi. Natijada ikki futbolchi orasiga sovuqchilik tushib ular ancha vaqt bir-birlari bilan gaplashmay yurgandi. Endi bo'lsa yarashib olishdi.
Malumot uchun, Ali Dayi Eron terma jamoasi safida 149ta o'yinda maydonga tushib, 109ta gol urgan. Ali Karimi esa forslarning eng nomdor yulduzlaridan biri hisoblanadi. Qolaversa, ikkala futbolchi ham o'z vaqtida "Persepolis" va "Bavariya"da to'p tepgan. Kecha bo'lib o'tgan o'yinda Ali Karimi jamoasi raqib ustidan 2:0 hisobida g'alaba qozondi.
Eron yulduzlari Ali Dayi va Ali Karimi yarashib olishdi
/ Kiritdi: BestMaster O'qilgan: 430
Bosh sahifaga
97