Sanjar SHoahmedov: “Guruhdan chiqsa bo'ladi”
/ Kiritdi: BestMaster O'qilgan: 1305
Malumki kecha OFKning shtab kvartirasi joylashgan Malayziya poytaxti Kuala-Lumpur shahrida 2016 yilgi Osiyo chempionlar ligasi uchun qura tashlash marosimi bo'lib o'tdi.
Joriy mavsum oliy ligamizda 2-o'rinni egallagan Toshkentning “Lokomotiv” klubi kelasi yil ham ushbu nufuzi yuqori bo'lgan musobaqada ishtirok etadi. Quraga ko'ra “Temiryo'lchilar” “A” guruhidan joy egalladi. Xo'sh, “Lokomotiv” uchun qura qanday keldi? Bu haqda jamoa etakchilaridan biri Sanjar SHoahmedovning fikrlari bilan qiziqdik.
- Ko'pchilik qatori men ham Kuala-Lumpur shahrida o'tkazilgan qura tashlash marosimini katta qiziqish bilan kuzatib bordim. Menimcha jamoamiz o'rin olgan “A” guruhi u qadar kuchsiz yoki kuchli deya olmayman. Hamma jamoa bilan bemalol o'ynasa bo'ladi. Eronning “Sepaxon” klubi mamlakat chempioni hisoblanadi. BAAning “Al Nasr” jamoasi haqida iliq fikrlarni bildirish mumkin. Xullas nufuzi jihatdan Osiyoda eng yuqori bo'lgan ushbu musobaqada kuchsiz jamoaning o'zi yo'q. SHunday ekan har bir raqibga xurmat bilan qarab, jiddiy tayyorlanmoq lozim.
- “Lokomotiv”dagi kelajagim borasida hozir sizga aniq bir nima deya olmayman. Xorij jamoalaridan takliflar bo'layotganini yashirib o'tirmoqchi emasman. Lekin bir to'xtamga kelganimiz yo'q. Balki kelasi yil ham “Lokomotiv”da o'ynarman. Menimcha bu masala yangi yilga qadar aniq bo'ladi – deydi Sanjar SHoahmedov.
Islombek Rustambekov suhbatlashdi.
Bosh sahifaga
140