- Albatta liganing dastlabki turida g'alaba qozonish yoqimli. Barchani ushbu g'alaba bilan tabriklayman. Umid qilamanki, ertaga asosiy tarkibimiz ham g'alabaga erishadi. Bugungi uchrashuv ajoyib bo'ldi. “Neftchi” yoshlari ham bor kuchlarini ishga solishdi. Tarkibda ajoyib futbolchilar yig'ilishgan. Bu yoshlar “Neftchi” jamoasining kelajagidir.
To'g'risi, bugun biroz xavotir bor edi. Bunga sabab, jamoamiz har yili mavsumni deyarli yangi tarkib bilan boshlaydi. Dastlabki o'yindan futbolchilar bir-birlarini tushunib ketishi qiyinroq kechadi. Bugungi uchrashuvda hisobda oldinga o'tib olganimizdan keyin, futbolchilarimiz xotirjamlikka berilishdi, oqibatda darvozamizdan gol o'tkazib yubordik. Tanaffusda yigitlarimizga kerakli ko'rsatmalarni berdik. Murabbiyda doimo zahira taktikasi bo'lishi kerak.
Biz ikkinchi bo'limda boshqacha taktika qo'lladik. Natijasini ko'rib turibsiz. Albatta kamchiliklarimiz bor, bu kamchiliklar ustida ishlaymiz. Futbolchilarimizga doimo uqtirishga harakat qilamiz, futbolchida safar va uy uchrashuvlarida farq bo'lmasligi kerak. Yani bo'lajak professional futbolchi safarda ham, uy uchrashuvida ham bir xil o'yin namoyish qilishga o'rganishi kerak. Yoshlar jamoamizda faoliyat yuritayotgan, biz murabbiylar oldida doim bir dolzarb vazifa turadi. Bu ham bo'lsa, asosiy tarkibimizga munosib o'yinchilar etkazib berish. Bu biz murabbiylarning ananasiga aylanib ulgurgan. Bu yil ham bir qancha futbolchilarimiz asosiy tarkibga o'tkazildi. Umid qilamanki, bu futbolchilarimiz ham, futbol ishqibozlarining etiborini qozonishadi.
Bosh sahifaga
149