Oliy liga-2015 yakunlari. "Qizilqum" haqida
/ Kiritdi: BestMaster O'qilgan: 1727
2015 yilgi mavsumda ishtirok etgan barcha klublar haqida malumot berishni davom ettiramiz.
Bugun Navoiyning "Qizilqum" klubi haqida malumot beramiz.
Mavsum
Navoiy klubi mavsumni ajoyib g'alaba bilan boshlagandi. Ilk turda "So'g'diyona"ni 4:1 hisobida taslim qilgan "Qizilqum" birinchi turda dastlabki o'ringa chiqib olgandi. Biroq mavsumni o'zidan yuqorida tugatgan jamoalarning deyarli barchasiga mag'lub bo'lgan jamoa davrani 8-o'rinda tugatdi. Ikkinchi davrani klub So'g'diyona"ga qarshi bahsdagi 1:4 hisobidagi mag'lubiyat bilan boshlagandi. Oliy liganing oxirgi 4ta o'yinida yuta olmagan navoiyliklar chempionatni 10-pog'onada tugatishdi.
Murabbiylar
Aslida jamoa rasman mavsumni bitta murabbiy bilan o'tkazdi. Biroq mavsum o'rtalariga kelib bosh murabbiy Yuriy Lukin emas Hamidjon Aktamov jamoa menejeri sifatida jamoani boshqardi. Lukin hech qaerga ketgani yo'q va Aktamov bilan birga ishlashda davom etdi. Tasdiqlanmagan malumotlarga ko'ra, jamoaga 2016 yilgi mavsumni yangi murabbiy kelishi mumkin ekan.
Etakchi
Akmal Rustamov. Jamoa sardori "Qizilqum"ning haqiqiy etakchisi hisoblanadi. Himoyachi bu mavsum 30ta o'yinning barchasida maydonga tushdi va 1ta gol urdi. U bilan birga SHerali Jo'raevni ham jamoa etakchisi deb atash mumkin. Yarim himoyachi gol urishdan ko'ra sheriklarini golli pas bilan taminlashda boshqalarga o'rnak bo'ldi.
Kashfiyot
21 yoshli Bobur Iskandarov bu mavsumda "Qizilqum" safida maydonga tushgan eng yosh futbolchi bo'ldi. Iskandarov ko'plab o'yinlarda murabbiylar tomonidan zaxiradan maydonga tushirildi. Keyingi yil u jamoaning asosiy futbolchilaridan biriga aylanishiga shubha yo'q.
Eng yaxshi o'yin
"Dinamo" - "Qizilqum" 2:2
To'g'ri "Qizilqum"ning bir qator g'alabalari qolib durang qayd etilgan o'yinni eng yaxshi o'yin deb topish ko'pchilik uchun g'alati tuyulishi mumkin. Biroq Samarqanddagi bahsda Navoiy klubi haqiqiy matonat ko'rsatgandi. Uchrashuvning 90-daqiqasi tugaganida tabloda 2:0 hisobi porlab turgandi. Hakam tomonidan qo'shib berilgan daqiqalarda Bahriddin Vahobov dastlab penaltidan to'p kiritib hisobni qisqartirgan va 90+5-daqiqada dublga erishib jamoani mag'lubiyatdan qutqarib qolgandi - 2:2.
Eng yaxshi futbolchi
Bahriddin Vahobov. Tajribali hujumchi bu yil o'zining ikkinchi yoshligini o'tkazdi desak mubolag'a bo'lmaydi. Vahobov 29ta o'yinda 21ta gol urib to'purarlar pogasida Igor Sergeevdan keyingi ikkinchi o'rinni egalladi. Futbolchi 2ta xet-trik, 3ta dublga erishdi. Vahobov bu yil ikki marta xet-trik qayd etgan yagona futbolchiga aylandi.
Kim qancha o'ynadi?
| Futbolchi | Amplua | Tug'.sana | O'yin | Daqiqa | Gol | SK | QK |
| Jo'raev SHerali | Yahm | 17.02.1988 | 30 | 2643 | 0 | 4 | 0 |
| Rustamov Akmal | Him | 08.02.1986 | 30 | 2587 | 1 | 3 | 0 |
| Vahobov Bahriddin | Huj | 23.01.1983 | 29 | 2306 | 21 | 3 | 0 |
| Usmonov Azizbek | Him | 22.01.1992 | 28 | 2439 | 0 | 7 | 1 |
| Derkach Andrey | Yahm | 28.05.1985 | 28 | 2417 | 3 | 9 | 0 |
| Jabborov Erkin | Dar | 24.08.1985 | 26 | 2340 | 0 | 1 | 0 |
| Qurbonov Mirjalol | Him | 28.04.1990 | 26 | 1852 | 0 | 6 | 0 |
| Jumaev G'ayrat | Yahm | 02.04.1986 | 26 | 1720 | 2 | 5 | 0 |
| Kvesieshvili Georgiy | Him | 01.12.1985 | 25 | 1907 | 0 | 4 | 0 |
| Haydarov Farrux | Yahm | 29.03.1990 | 25 | 1668 | 2 | 4 | 0 |
| Xolmatov Sarvar | Yahm | 24.11.1990 | 17 | 1123 | 1 | 4 | 0 |
| Xoliqov Alisher | Huj | 27.04.1982 | 17 | 448 | 1 | 1 | 0 |
| Qambarov Fayzullo | Yahm | 01.01.1990 | 16 | 904 | 1 | 4 | 0 |
| Sanaev Alisher* | Yahm | 16.06.1987 | 14 | 1144 | 0 | 1 | 0 |
| Alimov Navro'zbek** | Huj | 21.03.1992 | 14 | 934 | 3 | 3 | 0 |
| SHevchenko Vyacheslav* | Huj | 30.05.1985 | 13 | 1115 | 2 | 2 | 0 |
| Muhiddinov Asqar | Him | 22.06.1981 | 12 | 982 | 0 | 3 | 0 |
| Iskandarov Bobur | Yahm | 02.07.1994 | 11 | 389 | 0 | 2 | 0 |
| Makosin Artyom | Dar | 29.10.1985 | 4 | 360 | 0 | 0 | 0 |
| Abdurahmonov Doston** | Yahm | 05.05.1990 | 4 | 229 | 0 | 0 | 0 |
| Sanaev Ruslan | Huj | 08.08.1987 | 3 | 47 | 0 | 1 | 0 |
| Klishin Viktor** | Huj | 15.10.1982 | 3 | 40 | 0 | 0 | 0 |
| Boboqulov Feruz* | Huj | 14.07.1986 | 2 | 50 | 0 | 0 | 0 |
| SHoxnazarov Jamshid | Yahm | 07.02.1986 | 1 | 45 | 0 | 0 | 0 |
* - birinchi davradan so'ng jamoani tark etganlar.
** - ikkinchi davrada jamoaga kelganlar
"Qizilqum-2015" mavsum statistikasi
| O'yinlar | 30 |
| Gollar | 38 |
| Uydagi gollar | 23 (60,53%) |
| Mehmondagi gollar | 15 (39,47%) |
| O'tkazilgan gollar | 49 |
| Uyda o'tkazilgan gollar | 18 (36,73%) |
| Mehmonda o'tkazilgan gollar | 31 (63,27%) |
| O'rtacha gol | 1,27 |
| O'rtacha o'tkazilgan gol | 1,63 |
| Uydagi ochkolar | 26/45 (57,78 %) |
| Mehmondagi ochkolar | 8/45 (17,78 %) |
| Eng yirik g'alaba | 4:1 - "So'g'diyona" |
| Eng yirik mag'lubiyat | 1:4 - "So'g'diyona" |
| "Quruq" o'yinlar | 5 (16,67%) |
| Gol ura olmagan o'yinlar | 10 (33,33%) |
| Irodagi g'alaba | 4 |
| Yirik g'alabalar | 1 |
| Yirik mag'lubiyatlar | 2 |
| Avtogol (urilgan/o'tkazilgan) | 1/0 |
| Ogohlantirishlar (o'rtacha) | 67 (2,23) |
| CHetlatishlar (o'rtacha) | 1 (0,03) |
| Maydonga tushganlar (legioner) | 24 (3 - 12,5%) |
| Tomoshabinlar (jami/o'rtacha) | 190597/6353 |
Oliy liga-2015 yakunlari. "Paxtakor" haqida
Oliy liga-2015 yakunlari. "Lokomotiv" haqida
Oliy liga-2015 yakunlari. "Nasaf" haqida
Oliy liga-2015 yakunlari. "Neftchi" haqida
Oliy liga-2015 yakunlari. "Olmaliq" haqida
Oliy liga-2015 yakunlari. "Mashal" haqida
Oliy liga-2015 yakunlari. "Navbahor" haqidaOliy liga-2015 yakunlari. "Metallurg" haqida
Bosh sahifaga
160