Qatar klubi Qarshiga kecha charter reys bilan uchib keldi. Delegaciya orasida jamoa sardori afsonaviy futbolchi Xavi yo'q edi. Saytimiz orqali oldinroq Xavi jarohat sabab "Nasaf" bilan o'yinga kela olmasligini malum qilgan edik. Hozir esa ispaniyalik maestro aynan qanday jarohat sabab yurtimizga kelmaganini fotofakt orqali keltiramiz.
Payshanba kuni Qatar chempionati doirasida "Al Duhayl" bilan uchrashuvda Xavi oyog'ining orqa mushagidan jarohat olgan. Bu haqda klub matbuot xizmati malum qildi.
Uchrashuvning birinchi bo'limida Xavi oyog'ining mushaklarida og'riq sezgan va uning o'rniga Akrom Afif maydonga tushirilgan. Keyinchalik futbolchi klub shifokorlari yordamida tibbiy ko'rikdan o'tkazildi va uning mushaklarida jiddiy jarohat borligi aniqlandi. Uning to'liq safga qaytishi uchun 3 hafta vaqt kerak bo'ladi.
"Al Sadd" matbuot xizmati Xavining oyog'iga qon aylanishni yaxshilovchi va oyoq mushaklarini massaj qiluvchi maxsus moslama qo'yilayotgan suratlarni chop etdi.
Bosh sahifaga
150