Bugun mazkur uchrashuv oldidan har ikki jamoa rasmiylari hamda o'yin tashkilotchilari o'rtasida yig'ilish bo'lib o'tdi. Unda jamoalarning o'yinoldi rasmiy mashg'uloti, matbuot anjumani hamda ertangi bellashuvni jamoalar qanday liboslarda o'tkazishi kabi masalalar muhokama qilindi. Unga ko'ra, “Lokomotiv” “Al Duhail” bilan o'yinni oq-yashil-oq rangli libosda o'tkazadi. Jamoamiz darvozaboni binafsha rang futbolka, qora shortik hamda qora getrilarda maydonga chiqadigan bo'ldi. Mezbonlar esa ananaviy to'liq qizil rangdagi formada o'ynashadi. “Duhail” posboni to'liq sariq rangdagi libosni kiyishi oydinlashdi.
Qayd etish joizki, bugun shuningdek mahalliy vaqt bilan soat 17:30da (Toshkent vaqti bilan 19:30da) har ikki jamoa ustozlari va bir nafardan futbolchi ishtirokida o'yinoldi matbuot anjumani tashkil etiladi. Unda Andrey Miklyaevga jamoamiz sardori Sadriddin Abdullaev hamrohlik qiladi. So'ng soat 18:00da “Lokomotiv” “Abdulloh bin Halifa” stadionida rasmiy mashg'ulot o'tkazadi. Uning dastlabki 15 daqiqasi OAV vakillari uchun ochiq tarzda kechadi.
Bosh sahifaga
226