- Jamoamiz uchun juda qiyin uchrashuv bo'ldi. Biz Toshkentdan 3 ochko bilan qaytishga ishongandik. Yakunda ham bunga erishdik. To'g'ri, birinchi bo'lim biz istagandek o'tmadi. Yani o'yin bobida "Loko" bizdan ko'ra kuchliroq ko'ringandi. Ammo tanaffusdan so'ng amalga oshirilgan o'zgarishlardan keyin o'yinimiz tubdan o'zgardi. Tashabbus to'lichligicha bizning qo'limizga o'tdi. Taktik o'zgarishlar natijasida biz o'yin tizginini qo'lga oldik. Ikkinchi bo'limdagi o'yinimiz orqali g'alabaga loyiq futbol ko'rsatdik, deb o'ylayman.
Biz keyingi bosqichga chiqdik, ammo bu degani OCHL guruh bosqichidagi missiyamiz o'z nihoyasiga etganini anglatmaydi. Vazifamiz guruhda peshqadamlikni saqlab qolish. Keyingi bo'lajak ikki uchrashuvda tarkib butkul o'zgarmaydi. To'g'ri, bazi etakchilarga hordiq chiqarish uchun imkoniyat taqdim etamiz. O'yin amaliyotisiz qolib ketayotgan futbolchilar uchun yo'l ochiladi. Ammo kelasi ikki o'yinga beetibor qarashga haqqimiz yo'q. SHu boisdan ham tarkibda keskin o'garishlar kuzatilmaydi, - dedi "Al Duhail" bosh murabbiyi Jamol Belmadi.
SHu o'rinda "Lokomotiv" - "Al Duhail" uchrashuvining eng yaxshi futbolchisi deb topilgan mehmonlar hujumchisi Al Arabi ham matbuot anjumanida ishtirok etdi va o'z fikrlari bilan o'rtoqlashdi:
- G'alaba qozonganimizdan benihoyat xursandman. Ketma-ket to'rtinchi o'yinda yutish bu juda yoqimli. Murabbiyimizning tanaffusdagi taktik o'zgarishi bizni ikkinchi bo'limda bizni o'yg'otdi. Men jamoam g'alabasidan ko'proq xursandman. Gol urish esa meni vazifam. Buni uddalaganim ham albatta kishiga yaxshi kayfiyat taqdim etadi. Jamoamiz joriy mavsumda OCHLni ancha muvaffaqiyatli o'tkazmoqda. Biz guruhdan chiqish vazifasini uddalaganimizdan xursandmiz.
Bosh sahifaga
207