Kecha ana shu uchrashuv oldidan matbuot anjumani bo'lib o'tdi.
Matbuot anjumanining ikkinchi qismida mezbon jamoa ustozi Jezualdu Ferreyra va 11-raqamdagi hujumchi Bag'dod Baunedjaxlar ishtirok etishdi.
Jezualdu Ferreyra: "Ertaga bizni qiyin o'yin kutib turibdi. O'zbekistondagi o'yindan so'ng “Umm Salal”ga qarshi qiyin uchrashuv o'tkazdik. Ichki chempionatimizda bizga nisbatan kuchli bosim bor. Ertaga bo'ladigan o'yinda “Umm Salal”ga qarshi uchrashuvda maydonga tushmagan futbolchilar xizmatidan foydalanmoqchimiz. “Nasaf”ni mag'lub etishimiz uchun bor kuchimizni ishga solamiz.
Futbolda g'alaba yoki mag'lubiyat haqida oldindan bir narsa deb bo'lmaydi. Albatta ertaga g'alaba uchun o'ynaymiz. Bu o'yin Qarshidagi o'yindan tubdan farq qiladi. Bu o'yinda bizni imkonimiz ko'proq, biz muxlislarimiz ko'z o'ngida o'ynaymiz. Takror aytaman bizga muxlislarning madadi juda zarur. Xavi ertaga maydonga tushishi mumkin. Ammo bu haqda aniq ayta olmayman. Afsuski, shuni aniq aytaman, ertaga bizga eronlik legionerimiz yordam bera olmaydi. Bu biz uchun katta yo'qotish".
Bag'dod Baunedjax: "Ertaga bo'ladigan o'yin har ikkala jamoa uchun ham muhim sanaladi. SHubhasiz ikkala jamoa ham g'alaba uchun maydonga tushadi. Bizning bor etiborimiz shu o'yinga qaratilgan, ham jismonan, ham ruhan ushbu o'yinga tayyormiz. Milliy chempionatimizdagi sovrindan quruq qoldik. Endi bor etiborimizni OCHLga qaratishga majburmiz. Buni jamoadoshlarimiz bilan kelishib oldik, oldimizda yagona yo'l bu – “Nasaf”ni mag'lub etish va navbatdagi bosqichga chiqish uchun imkoniyatimizni oshirib olish".
Bosh sahifaga
283