Tez orada Evropaning kuchli beshlik ligalarida g'oliblar va omadsiz jamoalarning nomlari malum bo'ladi. O'tgan mavsumda Zinedin Zidan jamoasi dubl qayd etdi (ECHL va LaLiga g'olibligi). Omadli mavsumdan keyin Florentino Peres futbolchilar Alvaro Morata, Xames Rodriges va Pepeni boshqa jamoaga qo'yib yubordi. Biroq ularning o'rniga transfer qilingan futbolchilar o'zlariga bildirilgan ishonchni oqlay olmadilar.
Yil boshi juda yaxshi boshlangandi. "Real" UEFA Superkubogida "Manchester Yunayted"ni mag'lub etgandi. SHuningdek, Ispaniya Superkubogida "Barselona"ga imkoniyat qoldirilmagandi. Undan tashqari, klublar o'rtasidagi JCH g'olibligiga ham erishildi.
Albatta, bu sovrinlarni qo'lga kiritish - alo darajadagi ish, biroq jamoa hozirda LaLigada juda yomon holatda. "Qaymoqranglilar" hujumni kuchaytirish uchun Neymar, Robert Levandovski, Eden Azar kabi futbolchilar bilan shartnoma imzolashni xohlamshoqda.
Biroq ularning kelishi uchun ayrim futbolchilar "Real"ni tark etishi kerak. Biz hozir "Real"dan ketishi kerak bo'lgan futbolchilarga diqqatimizni qaratamiz.
Kiko Kasilya, 31 yosh
Sir emas, "Real" ancha vaqtdan buyon yangi darvozabon transfer qilish harakatida bo'lib turibdi. "Blankos"ning asosiy maqsadi - David De Xea ("Manchester Yunayted") va Tibo Kurtua ("CHelsi"). Agarda "Real" biror darvozabonni transfer qilgan taqdirda Kiko Kasilyaga "Santyagu Bernabeu"da boshqa imkoniyat berilmaydi. Undan tashqari u asosiy tarkibda maydonga tushmaydi. Uning jamoadagi kelgusi taqdiri yaqin vaqtlarda ayon bo'ladi.
Dani Sebalos, 21 yosh
O'tgan yozda Sebalos barcha top-klublarning diqqatini tortdi. Ispaniyalik yarim himoyachi "Betis"dan "Real"ga o'tdi. Biroq Zinedin Zidan uning qobiliyatiga ishonch bildirmadi. Sebalosning boshqa jamoaga ijaraga berib yuborilishi ehtimoli juda katta. Yanvar oyida u jamoadan ketishni rahbariyat aytgandi, biroq uni qo'yib yuborishmadi.
Ashraf Hakimi, 19 yosh
Dani Karvaxalning sog'lig'i tufayli Ashraf o'zi kutgandan ko'ra ko'proq o'yin amaliyotiga ega bo'ldi. Biroq u bilan raqobatga kirishish juda qiyin. Marokashlik futbolchini "Santyago Bernabeu"da juda sevishadi, biroq u o'sishi kerak. Zaxirada o'tirib, o'z o'yiniga kuch bera olishi juda qiyin. Oldinroq "Real" Karvaxalning o'rniga futbolchi qidirayotgani haqida gaplar berilgandi. Biroq gap "Arsenal" futbolchisi Ektor Belerin haqida ketgandi. Hakimi esa rivojlanishni istasa, boshqa klubda o'ynashi kerak.
Markos Lorente, 23 yosh
Yarim himoyachi o'z vaqtida "qirollik klubi" sharafini himoya qilgan otasi va amakisining izidan yurdi. Biroq u jamoaning zaxira futbolchisiga aylandi. Kroos–Modrich–Kazemiro uchligidan birini zaxiraga o'tqazib, asosiy futbolchiga aylanish juda qiyin. U ham jamoadan ketishi kerak va boshqa bir klubda bemalol asosiy futbolchigabo'lish kerak.
Borxa Mayoral, 21 yosh
Yosh hujumchini "Real" ikki sabab bilan o'zida ushlab turibdi. Birinchisi - Alvaro Morataning "CHelsi"ga ketgani va ikkinchisi Mariano Diasning "Lion" futbolchisiga aylanganidir. Mayoral esa imkoniyatlardan foydalana olmayapti, xuddi Karim Benzema kabi. Mayoral bu mavsumda 5 gol kiritdi. "Real" katta ehtimol bilan boshqa hujumchi bilan shartnoma imzolaydi. Borxa ham jamoasini o'zgartirsa bo'ladi, chunki u ham juda yosh va rivojlanishi kerak.
Mirjalol Normatov tarjima qildi
Bosh sahifaga
254