Bu turda Navoiyning "Qizilqum" jamoasi safarda Jizzaxning "So'g'diyona" jamoasi mehmoni bo'ladi. Ushbu uchrashuvdan oldin "So'g'diyona" futbolchisi SHoxruz Norxonov o'z fikrlarini bildirib o'tdi.
"CHempionat yaxshi boshlandi, lekin biz uchun unday emas. SHunday bo'lsada bir qator uchrashuvlar oldinda turibdi. O'tkazgan uchta o'yinimizdan bittasida durang natija qayd etdik va 1 ochko bilan 11 pog'onada boryapmiz. "Qizilqum" jamoasiga qarshi uchrashuvga jiddiy tayyorgarlik ko'ryapmiz. Ushbu bahsda nima qilib bo'lsa ham 3 ochko olishimiz shart. Superligada qolish uchun barcha jamoa harakat qilmoqda. Raqobat juda ham kuchli. Har bir ochko oltinga teng. Mehmonda 2ta jamoa juda ham kuchli bo'lgan jamoalarga qarshi bahs olib bordik. Uyda esa Farg'onaning "Neftchi" jamoasini qabul qilib durang natija qayd etdik. O'z uyimizda bo'lib o'tadigan qolgan o'yinlarda g'alaba qozonishimiz shart. Safarda eka hech bo'lmasa durang qayd etishimiz kerak.
Rahbariyat oldimizga kuchli oltilikka kirish vazifasini qo'ygan. Birinchi davrada kuchli oltilikka kirib keyingi davrada kuchli jamoalar bilan bahs olib borishni maqsad qilganmiz. Qolgan uchrashuvlarda faqat g'alaba qozonish uchun bor kuchimiz bilan harakat qilamiz. Aleksandr Mochinov bilan "Obod" jamoasi birga ishlaganmiz. Balki uning o'yin uslubiga to'g'ri keladigan futbolchidirman, shuning uchun ham "So'g'diyona" jamoasiga taklif qildi. Mochinovning o'yin uslubi menga yoqadi. Uning uslubida men bemalol o'ynay olaman. Mochinov jamoani hozirgi holatda oqilona olib chiqib keta oladi. "So'g'diyona"ning hech kimdan kam joyi yo'q. Hujumlar qilyapmiz, taktikamiz ham bor. Futbolchilar bir-birini tushunib harakat qilyapti. Bosh murabbiy to'g'ri yo'ldan ketyapti. G'alaba qozonmagan bo'lsak ham jamoaning o'yini yaxshi", - deydi SHoxruz Norxonov
Jahongir Sotvoldiev yozib oldi
Bosh sahifaga
152