Toshkent viloyati futbol federaciyasi tashabbusi bilan o'tkazilayotgan mazkur musobaqa - "Paxtakor-79" azolari Mixail An, Vladimir Fedorov, Olim Ashirov xotirasiga bag'ishlanadi. Bu futbolchilar Toshkent viloyati zaminida tavallud topishgan. Bellashuvlarda 2005 yilda tug'ilgan o'smirlardan iborat 53 jamoa ishtirok etmoqda. Qatnashchilar 7 mintaqaga bo'lingan holda (Yangiyo'l, Xalqobod, Qibray, Quyichirchiq, TashDAU, Ahmad Yassaviy) g'oliblik uchun o'zaro bahs yuritishmoqda.
"Ahmad Yassaviy" (Yuqorichirchiq tumani) stadionida kechgan qarama-qarshilikda Toshkent viloyati terma jamoasi (murabbiy D.Jalimov) "Ahmad Yassaviy" jamoasiga qarshi maydonga tushib, 3:1 hisobida zafar quchdi. Yana bir o'yinda yosh "paxtakor"chilar "Qibray" jamoasini yirik 11:0 hisobida mag'lub etishdi.
Malumot uchun, yarim final va final bahslari 21 va 22 aprel kunlari "Qibray" stadionida o'tkaziladi.
Bosh sahifaga
158