Takidlash joizki, mazkur jamoalarning o'zaro uchrashuvlari hamisha qiziqarli va tomoshabop tarzda kechib keladi. “Loko” “So'g'diyona”ga qarshi ilk uchrashuvini 2004 yilda o'tkazgan. O'shanda JAR stadionida kechgan bellashuvda “temiryo'lchilar” jamoasi 3:0 hisobida zafar quchishgan. O'zi aslida mazkur ikki klub milliy chempionatlarimiz tarixida shu paytgacha jami 20ta o'yin o'tkazishgan. O'zaro bellashuvlarning 15tasida “qizil-yashillar” jamoasi g'alaba qozongan. Jizzaxliklar esa faqat 2 bor zafar quchishgan. Yana 3ta o'yin durang bilan yakunlangan.
“Loko” futbolchilari ushbu raqib darvozasini umumiy hisobda 52 marta ishg'ol etishgan va o'z darvozasidan 11ta gol o'tkazib yuborgan. “Lokomotiv”ning “So'g'diyona” ustidan qozongan eng yirik hisobdagi g'alabasi 7:0ni tashkil etadi.
Yana bir diqqatga sazovor jihat shundan iboratki, “Lokomotiv” bugungi raqibiga so'nggi marta 2008 yilda 0:1 hisobida mag'lub bo'lgan. O'shandan buyon “Loko” hech bir o'yinda “So'g'diyona”ga imkoniyatni boy bermay kelmoqda.
Bosh sahifaga
194