Jumladan, O'zbekiston Respublikasi Prezidenti SHavkat Mirziyoevning 2018 yil 16 martdagi PQ-3610-sonli “Futbolni yanada rivojlantirish chora-tadbirlari to'g'risida”gi qaroriga asosan Toshkentdagi “Bunyodkor” stadioni O'zbekiston futbol associaciyasiga o'tganidan keyin stadionda “Ochiq eshkilar” tadbirlari o'tkazilmoqda. O'zbekiston futbol associaciyasi 1-vice-prezidenti Umid Ahmadjonovning topshirig'iga ko'ra stadion stadion eshiklari doim ochiq bo'ladi.
Yurtimiz aholisi va mehmonlari uchun stadionga istalgan vaqtda kelib, o'zbek futboli tarixi va yutuqlari bilar tanishish uchun imkoniyatlar yaratiladi.
Bugun Toshkent shahar CHilonzor tumanidagi 138-sonli o'rta maktabning o'quvchilari uchun “Bunyodkor” stadioniga sayohat uyushtirildi.
Sayohat davomida stadion mamurlari yosh futbol muxlislariga stadionning diqqatga sazovor joylarini, jumladan, “Bunyodkor” klubi muzeyini ko'rsatishdi, o'quvchilarning qiziqtirgan savollariga batafsil javoblar berishdi.
Sayohat so'nggida O'FA xodimlari tomonidan bolajonlarga Futbol Associaciyaning esdalik sovg'alari ulashildi.
Bu kabi sayohatlar kelgusida yana davom etadi. Respublikamizning barcha hududlaridagi futbol muxlislari, ishqibozlar, talabalar, maktab o'quvchilari, jajji bolakaylar uchun stadion bo'ylab ekskursiyalar tashkil qilinadi.
SHuningdek, yurtimizga tashrif buyuradigan chet ellik sayyohlarni “Bunyodkor” stadioniga olib kelish va ularni o'zbek futboli bilan yaqindan tanishtirish bo'yicha chora-tadbirlar amalga oshirib boriladi.
Bosh sahifaga
135