-O'yin hisobga mos bo'ldi, deb hisoblamayman. Mehmonlar yaratilgan vaziyatlardan o'ta samarali foydalanishdi. Birinchi golda markaziy himoyachilarimizning xatosidan bekobodliklar hujumchisi samarali foydalandi. Ikkinchi bo'limda endi vaziyatni o'nglashga harakat qilib turgan vaqtimizda yana qarshi hujumda gol o'tkazib yubordik. Hisobni qisqartirishga erishdik. SHundan keyin ham tashabbusni to'liq qo'lga olib, gol urish uchun harakat qildik. Ammo shu oxirgi zarbani yo'llashga, bekobodlik himoyachilar imkon berishmadi.
-Ikkinchi bo'lim o'rtalarida Yovanovichning zarbasidan keyin to'p “Metallurg” himoyachisining qo'liga tegdi. O'sha vaziyatni takroran ko'rib, bunga aniq ishonch hosil qildik. Ammo penalti belgilanmadi. Bu haqda nima deya olasiz?
-O'sha vaziyatda nima bo'lganini hamma ko'rdi. Ular haqida gapirgan bilan natija o'zgarib qolmaydi. Vaziyatga nazoratchi munosib bahoni berishadi, deb o'ylayman. Birinchi bo'limda to'p nechchi daqiqa maydonda bo'ldi? Ikkinchi bo'limdachi? Lekin o'yin oxirida bor yo'g'i uch daqiqa qo'shib berildi...
"Qizilqum" matbuot xizmati.
Bosh sahifaga
153