SHota Arveladze: "Paxtakor"ning o'yin chizgisi aniq ko'rinib turibdi"

- Umuman olganda qiyin uchrashuv o'tkazdik.  O'yindan avval futbolchilarga "Qo'qon-1912" jamoasi yaxshi va tartibli himoyalanishi haqida suhbat chog'ida uqtirgandik. Ular ko'p gol urishmayotgan bo'lsada, o'z darvozalaridan ham kam to'p o'tkazib yuborishgan. "Qo'qon-1912" bugungi bahsga qadar atiga to'rtta gol qo'yib yuborgandi. Qo'qonliklar o'yin tashkil etishda ham yaxshi. Ularga gol urish juda qiyin yumush. Bahsni o'zimiz istagandek boshlay olmadik. Faqatgina gol o'tkazgach o'zimizga keldik. Superliga juda qiyin ligaga aylangan. Har bir tur murosasiz o'tmoqda.Har bir o'yinga jiddiy hozirlik ko'rish lozim. Superligada peshqadam bo'lish oson emas. Bu biz uchun syurpriz emas.

Men jamoa o'yinini hujumkor va himoya bilan balansni ushlagan holda yo'lga qo'yishni istayman va "Paxtakor"ning hozirgi o'yin uslubi shunday. Avvalo o'z jarima maydonchamiz oldida o'tirib qolishni istamayman. Bizda o'yin chizgisi aniq ko'rinib turibdi. "Paxtakor" doim uchrashuvni o'z nazorati ostida o'tkazishi lozim. Bizning o'yin shunga qurilgan. SHunchaki hujumlarimizni golga aylantirishda muammolar mavjud. Oxirgi zarbalarni berishda oqsamoqdamiz.

Andreevni uzoq tanaffusdan keyin asosiy tarkibga qaytgani bilan tabriklayman. Og'ir jarohatdan so'ng uzoq muddatli tiklanish jarayonida faol ishladi. Bu uning mehnatlari samarasi bo'ldi. CHunki bu kabi jiddiy jarohatdan so'ng maydonga qaytish oson ish emas. Uning yo'qligida Kozak chap qant himoyachisi vazifasida yaxshi o'ynadi. Endilikda esa o'zining avvalgi joyi - tayanch yarim himoyasiga qaytdi. Bu nuqtada Kozak deyarli bir yil oshiq vaqt o'ynamagandi. SHu boisdan ham unga bu imkoniyatni taqdim etdim. O'ylaymanki, u eski joyida yomon harakat qilmadi. Uy o'yinlari orqali uni yana eski joyiga moslashtirish nisbatan oson kechadi. 

SHerzod Azamov asosiy tarkibga kiritilgandi. Ammo chigalyozdi mashqlarni oyog'ida og'riq sezgani bois uni almashtirishga majbur bo'ldik. O'ylaymanki, jarohati jiddiy bo'lmaydi va kelasi bahsga qadar maydonga qaytadi.

Tiago Bezerra: "Bu jamoaga qarshi qiyin bahs bo'lishi aniq edi. Gol o'tkazib yuborganimizdan keyin ko'plab vaziyatlar yaratdik, ammo ularni ko'pini qo'ldan boy berdik. Ushbu durangdan qayg'uga tushmasdan keyingi bellashuvga tayyorgarlik ko'rishimiz lozim"