"Bugun juda qiyin o'yin bo'ldi. Maydon achinarli holatda edi. SHu boisdan erdan to'p oshirishlarni amalga oshirishga qiynaldik va havolatib to'p oshirishlariga ko'proq etibor bera boshladik. Bunday maydonda chiroyli o'yin ko'rsatib bo'lmasdi. Ustozimiz Vohid Xolboev bizga to'g'ri, aniq ko'rsatmalar berdi. SHu orqali g'alabaga erishdik.
Hakamlik? Ular yaxshi ishlashdi. Albatta, har doim mehmon jamoaga kichik bosim bo'ladi. Biroq bundan hafa emasmiz. Qizil kartochka ko'rsatishdimi, demak ular haq. Biz hakamlarning ishini baholamaymiz.
Oleg Tyulkin kelganidan keyin jamoadagilar o'z jismoniy holatini yaxshilab bormoqda. Ko'p ter to'kyapmiz va bu mevasini bermoqda. Biz yutyapmizmi, demak, murabbiylar shtabi chiroyli ishlamoqda. Yutishimiz, o'yinlarda qatnashishimiz uchun bizni barcha qo'llab-quvvatlamoqda. Bundan esa juda xursandmiz.
Pro-liga yoki birinchi ligada uchinchi mavsumimni o'tkazyapman. O'tgan yillarga qaraganda ligada o'sish bor. Tashkilotchilik saviyasi ham oshgan. Ijobiy jihatlar anchagina ko'paygan. Agarda shu ketishda bo'lsa, Pro-liga saviyasi oshadi.
Yangi jamoa bo'lsak-da, maqsadlarimiz yuqori. Avvaliga "A" guruhiga chiqishni o'ylayapmiz. Agarda nasib qilsa, jamoa bilan Superligada o'ynash niyatimiz ham yo'q emas. Jamoa kuchli, bunga qurbimiz etsa kerak", - dedi Abduholiqov.
Mirjalol Normatov suhbatlashdi
Bosh sahifaga
141